भूकम्पप्रतिरोधी घर बनाउन ध्यान दिनुपर्ने विषय

आर्थिक अभियान

• सकेसम्म समतल, कडा चट्टान भएको, नदीबाट टाढा र दलदल नभएको जग्गा छनोट गर्नुपर्छ ।
• भिरालो पाँगो वा कालो माटो भएको, ढुङ्गा खस्ने जग्गा छनोट गर्नुहुँदैन ।
• गहिरो, ठूला खाल्डो भएको, चिरा परेको जग्गा छनोट गर्नुहँुदैन ।
• हवाई मैदान, खानी क्षेत्र, सैनिक इलाका, ठूला रूखहरू नजिक र उच्च भोल्टेजको तारमुनिको जग्गा छनोट नगर्नुहोस् ।
• सकेसम्म चौडा बाटो र नजिकै खुला चौरहरू भएको जग्गा छनोट घर निर्माणका लागि उपयुक्त हुन्छ ।

• घरको आकार सकेसम्म वर्गाकार, आयताकार वा गोलाकार हुनुपर्छ ।
• अनियमित आकारहरू, जस्तै– अङ्ग्रेजी अक्षरको ई, एच, टी, एल, आकारको घर बनाउनुहुँदैन ।
• घरको उचाइ, चौडाइको ३ गुणाभन्दा बढी हुनुहुँदैन ।
• कोठाको अधिकतम उचाइ १५ फिटभन्दा बढी हुनुहुँदैन ।

• घरको सम्पूर्ण जगहरू एउटै लेभलमा राख्नुपर्छ ।
• सबै पिलरहरूको जगमा हात्तीपाइले ढलान गर्नुपर्छ ।
• घरको जग पुरानो जमीनभन्दा कम्तीमा ५ फिट तलसम्म हुनुपर्छ ।
• घरका सम्पूर्ण जगहरू एउटै लेभलमा राख्नुपर्छ ।
• सबै पिलरहरूमा हात्तीपाइले ढलान गर्नुपर्छ ।
• हात्तीपाइलेको जाली घरको पिलर र बिममा कम्तीमा पनि १२ एमएमको छड र रिङका लागि कम्तीमा ८ एमएमको छडको प्रयोग गर्नुपर्छ ।
• डीपीसी लेभलमा जस्तै बिम जगमा पनि उस्तै पिलर जोडिने गरी राख्नुपर्छ ।

• डीपीसी लेभल पुरानो जमीनको सतहभन्दा कम्तीमा १.५ फिट माथि हुनुपर्छ ।
• डीपीसी लेभलमा कम्तीमा ९ गुणा १२ साइजको टाई बिम राख्नुपर्छ ।
• घरका सम्पूर्ण पिलरहरूलाई यो लेभलमा आरसीसी ढलानको टाई बिमले जोड्नुपर्छ ।

• पिलरहरूको दूरीको आधारमा पिलरको साइज निर्धारण हुने भए पनि १२ गुणा १२ को भन्दा सानो हुनुहँुदैन ।
• पिलरको चौडाइ बिमको भन्दा कम्तीमा ३ इञ्च बढी हुनुपर्छ ।
• बिमका सम्पूर्ण छडहरू पिलरभित्रबाट जानुपर्छ भने बिमको अन्त्यमा छडहरू एल अकारका हुनुपर्छ ।
• पिलर वा बिमका डण्डीहरू गाँस्दा कम्तीमा छडको माटाइको ६० गुणा खप्टिने गरी राख्नुपर्छ ।
• बिम र पिलरको जोर्नीहरू नजिक तथा छड गाँसिएको भागमा ४ इञ्चको दूरीमा रिङहरू राख्नुपर्छ । अन्य ठाउँमा रिङको दूरी ६ इञ्चभन्दा बढी हुनुहुँदैन ।

• घरका सम्पूर्ण भित्ताहरू इँटाको ९ इञ्च गारो तथा भित्री भित्ताहरू कम्तीमा ४ इञ्च गारोले बनाउनुपर्छ ।
• ९ इञ्च गारोका लागि सिमेण्ट मसला १ः६ (१ भाग सिमेण्टमा ६ भाग बालुवा)भन्दा धेरै अनुपातको मसला बनाउनुहुँदैन ।
• मसला डेढ घण्टासम्ममा प्रयोग गरिसक्नुपर्छ ।
• १ दिनमा ५ फिटभन्दा अग्लो गारो लगाउनुहुँदैन ।

• झ्याल र ढोकाहरूबीचको दूरी कम्तीमा २ फिट हुनुपर्छ ।
• सकेसम्म घरको प्रत्येक तलामा झ्याल र ढोकाहरू एकै स्थानमा हुनुपर्छ ।
• सबै ढोकाहरू बाहिरपट्टि खुल्ने गरी निर्माण गर्नुपर्छ ।
• ढोका र झ्यालहरूमा शिशाको कम प्रयोग गर्नुपर्छ र शिशा प्रयोग गरिएको भए प्लाष्टिक लेमिनेशन लगाउनुपर्छ ।
• झ्यालको मुनि पिलरहरूमा पस्ने गरी ३ इञ्च मोटाइ र गारोको चौडाइबराबरको सानो बिम र झ्याल ढोकाहरूको माथि पिलरहरूमा छड
• पस्ने गरी ३ इञ्च मोटाइ र गारोको चौडाइबराबर सानो बिमको आरसीसी ढलान गर्नुपर्छ ।
• झ्याल ढोकाको फ्रेम आल्मुनियमको भए सानो बिम ६ इञ्च मोटाइको बनाउनुपर्छ । सिल सानो बिममा १० एमएमको छड र ८ एमएमको
• यू आकारको रिङ ६ इञ्चको दूरीमा राख्नुपर्छ ।

• सामान्य तया छतको मोटाइ कम्तीमा ४ इञ्च हुनुपर्छ ।
• छतमा डबल जालीका लागि ८ एमएमको डण्डी ६ इञ्चको दूरीमा राख्न पर्याप्त हुन्छ ।
• डण्डीको तलमाथि कम्तीमा १५ एमएमको कङ्क्रिट भाग हुनुपर्छ ।
• ढलान गर्दा बिम र स्ल्याब एकैपटक ढलान गर्नुपर्छ ।
• खाँद्नका लागि भाइब्रेटरको उचित प्रयोग गर्नुपर्छ ।
• ढलान गरिसकेको २४ घण्टाभित्र कम्तीमा १४ दिन पानीले भिजाउनुपर्छ ।

• ढलान मसलाको भाग १ः१.५ः३ भन्दा कम्ती गर्नुहुँदैन । अर्थात् १ भाग सिमेण्टमा १.५ भाग बालुवा र ३ भाग गिट्टी मिसाउनुपर्छ ।
• सामान्यतया एक बोरा सिमेण्टका लागि २० लिटर जति पानी प्रयोग गर्नुपर्छ ।
• पानीको मात्रा बालुवाको चिसोपनमा भर पर्ने भएकाले काम गर्न सकिने र नबग्ने गरी मसला बनाउनुपर्छ ।
• मसला बनाउन मिक्श्चर मेशिनको प्रयोग गर्नुपर्छ ।
• मिक्श्चर मेशिनमा सिमेण्ट, वालुवा, गिट्टी र पानी राखिसकेपछि २ मिनेटसम्म घोल्नुपर्छ ।

प्रतिक्रिया [0]