प्रविधि प्रयोगमा पनि एमाले अगाडि, सार्वजनिक गर्‍यो पार्टीको आफ्नै एप 'नेकपा (एमाले)'

२०७८ चैत, २३

प्रविधि र यो पनि

अभियान संवाददाता

चैत २३, काठमाडौं। नयाँ नयाँ प्रयोगमा सधैं अगडि रहने एमाले प्रविधिको प्रयोगमा पनि अन्य राजनीतिक दलभन्दा अगाडि देखिएको छ । महाधिवेशनमा ई-भोटीङ भर्चुअल उद्धाटन जस्ता काममा प्रविधि प्रयोग गर्दै आएको नेकपा एमालेले आफ्ना सारा गतिविधिलाई पनि डिजिटलाईज गर्दै गएको छ ।

एमालेले यस्तै अर्को एउटा प्रविधिसंग पनि जोडिएको छ । आफ्नो पार्टीका गतिबिधिहरुलाई व्यवस्थीत गर्ने भन्दै नेकपा (एमाले) नामक मोबाइल एप सार्वजनिक गरेको छ । यो एपबाट पार्टीका काम, गतिबिधि र दस्तावेज हरुलाई एकै स्थानमा उपलब्ध गराईने जनाईएको छ ।

एमाले अध्यक्ष केपी शर्मा ‌ओलीले एप सार्वजनिक गर्दै एपको बारेमा जानकारी सहितको भिडियो अपलोड गरिएको छ । भिडियोमा पूर्वप्रधानमन्त्री समेत रहेका ओलीले पाटीका सबै जनवर्गीय संगठन र कार्यकर्तालाई अनिवार्य डाउनलोड गर्न निर्देशन दिएका छन् ।

पार्टीद्वारा प्रकाशित सैदान्तिक वैचारीक राजनीतिक र समसामयीक बिषयका अध्ययन सामाग्री एपमा रहेको उनले बताएका छन् । पाटीको धारणा जस्ताको तस्तै जनताको हात हातमा पुर्याउन एमालेले एप ल्याएको भिडियोमा उल्लेख गरेका छन् ।

नेताहरुका बारेमा जानकारी, तिनीहरुका लेख, रचना, विचारहरु चाहेको बेला पढ्न सकिने छ । पार्टीले तयार पारेको निर्वाचन सामाग्री र पार्टी प्रक्षिणका सामाग्री आवस्यक ठाउँमा प्रयोग गर्न सकिने बताईएको छ ।

सामाजिक सञ्जालमा आएका जानकारी, सन्देश र सूचनामुलक सामाग्री तत्काल हेर्न र पढ्न पाईने छ । हरेक पार्टी सदस्यले आफ्नो सबै बिवरण पनि यसमा राख्न सक्नेछन । पार्टीको लेवी शुल्क तथा अन्य सहयोग समेत एप मार्फत क्यूआर कोड बाट तिर्न सक्ने बनाएको छ ।

एपबाट पार्टीका कार्यक्रमको लाईभ समेत गरिने भएको छ ।

स्थानीय निर्वाचनलाई मध्येनजर गर्दै पाटीका जानकारी, पाटीका नीति तथा कार्यक्रम जनतामा लैजान र पार्टी प्रति फैलाईएका भ्रमलाई चिर्न पछिल्लो प्रविधिलाई प्रयोग गर्दैजाने योजना अनुरुप एप ल्याईएको एमाले पोलिटब्यूरो सदस्य सूर्य बहादुर थापाले बताए । ‘प्रविधिको प्रयोग गरी पाटीका सबै जानकारी एकै क्लिकमा जनतामाझ पुग्ने छ,’ थापाले भने । उनका अनुसार उक्त एपमा पार्टीका केन्द्र, प्रदेश, जिल्ला र स्थानीय तहसम्मका कमिटीका डाटावेस लगायत अन्य गतिविधि राखिएको छ ।