अनन्त्य सुन्दर
काठमाडौं । नेपाल बीमा प्राधिकरण (Nepal Insurance Authority) का अनुसार चालू आर्थिक वर्ष (आव) को ८ महीनामा निर्जीवन बीमा व्यवसाय गर्ने बीमकहरूले कृषि तथा बाली बीमालेखबाट १ अर्ब ४६ करोड रुपैयाँभन्दा बढी बीमा शुल्क संकलन गरेका छन् ।
व्यवसायको सम्भावना बढेसँगै बीमकहरू शाखा विस्तार गरेर धमाधम गाउँगाउँमा पुगिरहेका छन् । सरकारले पनि कृषि बीमा (Agriculture Insurance) लाई प्राथमिकतामा राखी ८० प्रतिशतसम्म अनुदान दिएकाले पछिल्लो समय कृषिबीमा गर्नेको संख्या बढ्दो क्रममा रहेको बीमा कम्पनीका प्रमुख कार्यकारी अधिकृतहरू बताउँछन् ।
प्राधिकरण (NIA) का अनुसार चालू आवको फागुनसम्ममा कृषि तथा बाली बीमालेखमार्फत बीमकहरूले सबैभन्दा बढी बीमा शुल्क बागमती प्रदेशबाट संकलन गरेका छन् । बागमती प्रदेशबाट गत साउनदेखि फागुनसम्ममा ५८ करोड ४७ लाख रुपैयाँभन्दा बढी बीमा शुल्क उक्त बीमालेखमार्फत संकलन भएको छ । यस्तै दोस्रोमा लुम्बिनी प्रदेशबाट २३ करोड ३५ लाख र तेस्रोमा गण्डकी प्रदेशबाट २० करोड २५ लाख रुपैयाँ बीमा शुल्क संकलन भएको छ ।
शिखर इन्स्योरेन्स (Shikhar Insurance) कम्पनी लिमिटेडका प्रमुख कार्यकारी अधिकृत दीपप्रकाश पाण्डे सरकारले कृषिबीमालाई प्राथमिकतामा राखी अनुदान दिएकाले पछिल्लो समय मुलुकको बीमा क्षेत्रमा कृषि तथा बाली बीमाको अंश बढेको बताउँछन् ।
‘सरकारले कृषि बीमामा ८० प्रतिशतसम्म अनुदान दिएका कारण यसमा कृषकको आकर्षण बढ्दो छ । अहिले बीमा कम्पनी (Insurance Company)हरू गाउँगाउँमा पुगेकाले कृषकलाई कृषि तथा बाली बीमा गर्न सहज पनि भएको छ,’ पाण्डेले भने, ‘मेरो आकलनमा चालू आवमा कृषि बीमाको अंश ३ सय करोड रुपैयाँसम्म पुग्ने देखिन्छ ।’
पाण्डेका अनुसार कृषि बीमा देशको आर्थिक विकासका लागि आवश्यक प्रडक्ट हो । ‘कृषि बीमाले गर्दा नेपालमा बीमाको बजार पनि बढेको छ,’ उनी भन्छन्, ‘बीमकले बीमा दाबी भुक्तानी गर्दा बीमाको बजार विस्तारमा पनि मद्दत पुग्छ ।’
शिखरले ७४/७५ जिल्लामा कृषि बीमा गरेको र उक्त कम्पनीसँग ६० जनाभन्दा बढी कृषिविज्ञ तथा भेटेरिनरी डाक्टरहरू रहेको पाण्डेले जानकारी दिए । देशको कुल कृषि बीमामा झन्डै २० प्रतिशत अंश शिखर इन्स्योरेन्सको रहेको पनि उनले दाबी गरे ।
सरकारले कृषकलाई प्याकेजिङ, भण्डारणका साथै बजार व्यवस्थापनमा सहजीकरण गरिदिए कृषकलाई सहज हुने पाण्डेको भनाइ छ ।
पेट्रोल–डिजेलको मूल्य घट्यो
‘ग्लोबल रिच अष्ट्रेलियन एजुकेसन फेयर’ माघ ५ बाट, अष्ट्रेलियाका २५ बढी युनिभर्सिटीका प्रतिनिधि आउने
जलविद्युत कम्पनीका शेयरमा लगानीकर्ताको आकर्षण, एक महीनामा १९.६४ % बढ्यो परिसूचक
माघे सङ्क्रान्तिको दिन टुँडिखेलमा भीडमा च्यापिएर ११ जना घाइते
लक्ष्मी सन्राइज बैंकको २३औं साधारण सभा
बाटोले विकासको सम्भावना खुलेको छ : अर्थमन्त्री डा. महत
३८ करोडले घट्यो चिया निकासी
पाँच महीनामा निर्जीवन बीमा कम्पनीले आर्जन गरे १५ अर्ब ७२ करोडभन्दा बढी बीमाशुल्क
कृषिमा लगानीको तयारी गर्दै भाटभटेनी
नृसिंहधाम, जहाँ बन्नेछ नेपालको पहिलो पानीमुनिको मन्दिर ! [तस्वीरहरू]
विद्युतीय तार भूमिगत : साढे २ वर्षमा सक्नुपर्ने काम ४ वर्षमा पनि सकिएन