हिमालयन बैंकको ‘फन्ड ट्रान्सफरमा मोबाइल फोन हातमा’ अफर

अभियान संवाददाता

काठमाडौं। हिमालयन बैंकले कनेक्ट आईपीएससँगको सहकार्यमा आफ्ना मोबाइल बैंकिङ प्रयोगकर्ताका लागि ‘फन्ड ट्रान्सफरमा मोबाइल फोन हातमा’ अफर सार्वजनिक गरेको छ । यस अफरअन्तर्गत दुईजना मोबाइल बंैकिङ प्रयोगकर्ताले हिमालयन बैंकको मोबाइल बैंकिङ एप एचआई–एमबीबाट अन्तरबैंक फन्ड ट्रान्सफर गर्दा एक थान स्मार्टफोन जित्न सक्ने बताइएको छ । 

भदौ १ देखि शुरू भएको उक्त अफर भदौ ३१ गतेसम्म कायम रहने बैंकको भनाइ छ । मोबाइल बैंकिङ एपबाट फन्ड ट्रान्सफर गर्ने दुईजना प्रयोगकर्तालाई अफरको अन्त्यमा लकी ड्रमार्फत विजेता छनोट गरिने बताइएको छ । फन्ड ट्रान्सफर तथा विभिन्न भुक्तानीमा मोबाइल बैंकिङको बढ्दो प्रयोग र लोकप्रियतालाई यस अफरले थप प्रोत्साहन गर्ने विश्वास बैंकको छ । 

प्रतिक्रिया [0]