गरिमा विकास बैंकको १७औं वार्षिकोत्सवमा १७ कार्यक्रम

अभियान संवाददाता

काठमाडौं। गरिमा विकास बैंक लिमिटेडले बिहीवार १७औं वार्षिकोत्सव मनाएको छ । देशभरका १२३ शाखा कार्यालयमार्फत बैकिङ सेवा प्रवाह गरिरहेको बैंकले जानकारी दिएको छ । १७औं वार्षिकोत्सवको अवसरमा बैंकले १७ ओटा संस्थागत सामाजिक उत्तरदायित्वका कार्यक्रम गरेको जानकारी दिएको छ ।

बैंकले विभिन्न तीन स्थानमा गरिएको रक्तदान कार्यक्रममा ३६६ युनिट रगत संकलन भएको बताएको छ । त्यस्तै चार ओटा वृद्धाआश्रममा न्यानो कपडा, दुई संस्थालाई डस्टबिन, एउटा विद्यालयलाई स्कुल ब्याग, दुई अनाथालयलाई कम्प्युटर, प्रिन्टर तथा इन्भर्टर सहयोग गरेको छ । सो अवसरमा दुई प्रहरी कार्यालयलाई डिजिटल बोर्ड र कुर्सी, अस्पतालमा फलफूल वितरण, मन्दिरमा कुर्सी सहयोग गरेको बैंकले जानकारी दिएको छ ।

प्रतिक्रिया [0]