ग्लोबल आइएमई बैंकका दुई नयाँ शाखा

अभियान संवाददाता

काठमाडौं। ग्लोबल आइएमई बैंक लिमिटेडले थप दुईओटा शाखा सञ्चालनमा ल्याएको छ । बैंकले सर्लाहीको मलंगवा नगरपालिका–८, मलगंवा र काभ्रेको धुलिखेल नगरपालिका–३, धुलिखेलमा नयाँ शाखा सञ्चालनमा ल्याएको हो । यी दुई नयाँ शाखाबाट सोमवारदेखि बैंकिङ सेवा शुरू गरिएको बताइएको छ । बैंकले देशका ७७ ओटै जिल्ला तथा तीन अन्तरराष्ट्रिय सम्पर्क/वैदेशिक प्रतिनिधि कार्यालयसहित १ हजार १०० भन्दा बढी सेवा केन्द्रबाट बैंकिङ सेवा प्रदान गर्दै आएको छ । 

त्यसैगरी बैंकले संयुक्त राज्य अमेरिका, संयुक्त अधिराज्य, क्यानडा, अष्ट्रेलिया, मलेसिया, दक्षिण कोरिया, जापान, साउदी अरेबिया, कतार, युएई, बहराइन, कुवेत, भारत, जोर्डन, हङकङ लगायतका मुलुकबाट रेमिट्यान्स भित्त्याउन सहयोग पुर्‍याउँदै आएको छ ।

प्रतिक्रिया [0]