क्यानेडियन स्टडी सेन्टर ‘हल्ट प्राइज एट काठमाडौं युनिभर्सिटी’को मुख्य प्रायोजक

अभियान संवाददाता

काठमाडौं। ‘हल्ट प्राइज एट काठमाडौं युनिभर्सिटी’को शीर्ष प्रायोजन क्यानेडियन स्टडी सेन्टरले गर्ने भएको छ । हल्ट प्राइज विद्यार्थीहरूको नेतृत्वमा हुने क्याम्पसस्तरीय प्रतियोगिता हो, जसलाई आइडिया पिचिङ मञ्चको रूपमा लिइएको बताइएको छ ।

प्रतियोगितामा विश्वभरका विश्वविद्यालयका विद्यार्थीले ३ देखि ५ व्यक्तिको समूह बनाएर भाग लिन सक्नेछन् । १ मिलियन डलर पुरस्कार राखिएको प्रतियोगिताको विजेता हुन चार फरक फरक प्रतिस्पर्धामा सहभागी हुनुपर्ने बताइएको छ । 

हल्ट प्राइजको लक्ष्य अन्तरराष्ट्रिय परिदृश्यमा विश्वविद्यालयस्तरका विद्यार्थीबीच सामाजिक उद्यमशीलता बढावा दिनु रहेको बताइएको छ । यसले दक्षता, समस्या समाधान गर्ने क्षमता, सञ्चार कौशल, व्यवस्थापन कौशल र विश्वभरका विद्यार्थीको उद्यमशीलताको भावनालाई उत्साह प्रदान गर्ने अपेक्षा गरिएको छ । प्रतियोगिताको विषयवस्तु ‘अनलिमिटेट इम्प्याक्ट’ राखिएको छ ।

प्रतिक्रिया [0]