सिमरामा नेपाल इन्भेष्टमेण्ट मेगा बैंकको नयाँ शाखा

अभियान संवाददाता

काठमाडौं। नेपाल इन्भेष्टमेण्ट मेगा बैंक लिमिटेडले बुधवारदेखि बाराको सिमरा उपमहानगरपालिका–२ स्थित सिमरारोडमा नयाँ शाखा सञ्चालनमा ल्याएको छ । योसँगै मधेश प्रदेशमा बैंकका २१ ओटा शाखा पुगेको बताइएको छ । बैंकका प्रमुख कार्यकारी अधिकृत ज्योतिप्रकाश पाण्डेले शाखाकोे उद्घाटन गरेका हुन् । प्रमुख कार्यकारी अधिकृत पाण्डेले भरपर्दो आर्थिक कारोबार बैंकमार्फत नै हुने भएकाले त्यस क्षेत्रका बासिन्दालाई सहज हुने बताए । उनले बैंकिङ सेवाको पहुँच बाहिर रहेको सिमरा तथा आसपास क्षेत्रमा बसोबास गर्ने सेवाग्राही तथा उद्योगी व्यवसायीलाई बैंकिङ सुविधा सहज रूपमा उपलब्ध हुने विश्वास व्यक्त गरे । हाल बैंकले २६२ शाखा कार्यालय र ६३ एक्सटेन्सन काउन्टरमार्फत सुविधा दिँदै आएको छ । 

प्रतिक्रिया [0]