कालिगण्डकी उर्लिदा भुरुङको तातोपानी कुण्ड डुब्यो, बेनी—जोमसोम सडक खुल्न एकसाता लाग्ने

ध्रुवसागर शर्मा

भदौ २, म्याग्दी । कालिगण्डकीले धार परिवर्तन गर्दा उत्तरी म्याग्दीको भुरुङ तातोपानीमा रहेको तातोपानी कुण्ड आसपासको क्षेत्र डुवानमा परेको छ । अन्नपूर्ण गाउँपालिका २, भुरुङ तातोपानी कुण्डमा कालिगण्डकीको पानीको सतह बढेपछि त्यहाँको संरचना डुबानमा परेको गाउँकार्यपालिका सदस्य आत्म तुलाचनले बताए । ‘आसपासका क्षेत्रमा पानीको सतहले थप डुबानको खतरा छ, ‘विगतमा पनि यस्तै समस्या भोग्नुपरेको थियो’ तुलाचनले भने । उनका अनुसार पानीको सतह वढेपछि भुरुङ–तातोपानि मिट सप्लायर्स एण्ड फ्रेश हाउस र तातोपानि ब्लक उधोगमा क्षती पुगेको छ । डुवान क्षेत्रको वडा अध्यक्ष ओमप्रसाद फगामी लगायतको अवलोकन गरी गाउँपालिकालाई जानकारी गराइसकेका छन् । नदीको सतह ह्वात्तै बढेपछि सोही आसपासमा रहेको खेलकुद मैदानलाई समेत क्षती पु¥याएको थियो । कुण्डमा समेत पानीको सतह बढेको छ । कुण्डबाट बाहिरिने पानी बालुवाले बन्द भएपछि कुण्डमा समेत थप क्षतीको सम्भावना रहेको स्थानीयको भनाई छ । उत्तरी म्याग्दीमा नदीको कटानले सडक समेत अवरुद्ध छ । कालिगण्डकीको कटान र माथीबाट खस्ने पहिरोले उत्तरी क्षेत्र अस्तब्यस्त भएको छ । यता गाउँपालिका अध्यक्ष क्याप्टेन डम बहादुर पुनले सम्भावित क्षतिका बारेमा जानकारी लिएका छन् । उनका अनुसार मानवीय क्षतिको सम्भावना नभएकाले आसपासमा रहेका बस्तीका जनतालाई सतर्कता अपनाउन अपिल गरेका छन् । उत्तरी म्याग्दीका तटिय क्षेत्रमा रहेका बस्तीलाई उच्च सतर्कता अपनाउन अपिल गरिएको छ । तीन दिनदेखि अवरुद्ध बेनी—जोमसोम सडक खुल्न एकसाता लाग्ने मुस्ताङ जोड्ने बेनी–जोमसोम सडकको घाँसादेखि अगाडी कालिगण्डकी र थापलाङखोलामा आएको बाढीले दर्जनौँ ठाउँमा पहिरो खसेपछि उक्त सडकखण्ड तीनदिन देखि अवरुद्ध बनेको छ । केहि दिनदेखि परेको अविरल वर्षाका कारण ७६ किलोमिटर दूरीको सडकको बेनीदेखि घाँसा खण्डमा पहिरो खसेपछि सवारी आवागमन बन्द भएको हो । सडक अवरुद्ध हुँदा मुस्ताङ जाने आउने पर्यटक, तीर्थयात्री र स्थानीयवासी बाटामै अलपत्र पर्नसक्ने हुंदा त्यहाँका स्थानीय र प्रशासनले केहि समयका लागि यात्रा नर्गन अनुरोध गरेका छन् । यातायात सूचारु गर्न करीव एक साता लाग्ने अनुमान गरिएको छ । म्याग्दी र मुस्ताङको सिमाना घाँसा, थापलाङखोला नजिकका वस्तीहरु पनि जोखिममा रहेको मुस्ताङबाट युवा समाजसेवी अविनाश गौचनले जानकारी दिए । म्याग्दीका तितर, काभ्रेभीर, गुइँठे, रुप्से, बैसरी र बेगखोला क्षेत्रमा पनि पहिरो खसेपछि सडक अवरुद्ध बनेको बेनी–जोमसोम–कोरला सडक आयोजनाका सुपरभाइजर इन्द्रसिंह शेरचनले जानकारी दिए ।

प्रतिक्रिया [0]

पुरा नाम: *

इमेल: *

प्रतिकृया: *
पठाउनुहोस