पाँच महीनामा निर्जीवन बीमा कम्पनीले आर्जन गरे १५ अर्ब ७२ करोडभन्दा बढी बीमाशुल्क

अभियान संवाददाता

काठमाडौं । चालू आर्थिक वर्ष (आव)को पाँच महीनामा निर्जीवन बीमा कम्पनीहरूले कुल रू. १५ अर्ब ७२ करोडभन्दा बढी बीमाशुल्क आर्जन गरेका छन् । 

नेपाल बीमा प्राधिकरणले सार्वजनिक गरेको तथ्याङ्क अनुसार मङ्सिरसम्म १४ ओटा निर्जीवन बीमा कम्पनीहरूले ११ लाख ६१ हजार २५९ ओटा बीमालेख विक्री गरेर उक्त रकमको बीमाशुल्क आर्जन गरेका हुन् । तीमध्ये सगरमाथा लुम्बिनी जनरल इन्स्योरेन्स कम्पनीले सबैभन्दा बढी बीमाशुल्क आर्जन गरेको छ । मङ्सिर महीनासम्ममा यस कम्पनीले १ लाख २२ हजार ६९३ ओटा बीमालेख विक्री गरेर रू. १ अर्ब ९९ करोडभन्दा बढी बीमाशुल्क आर्जन गरेको छ । 

बीमाशुल्क सर्वाधिक आर्जन गर्नेको सूचीमा दोस्रोमा सिद्धार्थ प्रिमियर इन्स्योरेन्स कम्पनी छ । कम्पनीले १ लाख २८ हजार ३८९ ओटा बीमालेख विक्री गरेर रू. १ अर्ब ६५ करोड बीमाशुल्क आर्जन गरेको छ । शिखर इन्स्योरेन्सले १ लाख २२ हजार ६७८ ओटा बीमालेख जारी गरेर रू. १ अर्ब ५७ करोड बीमाशुल्क आर्जन गरेको हो । 

यस्तै, हिमालयन एभरेष्ट इन्स्योरेन्स, आइजिआई प्रुडेन्सियल इन्स्योरेन्स, नेको इन्सुरेन्स, युनाइटेड अजोड इन्स्योरेन्स र एनएलजी इन्स्योरेन्सले एक अर्बभन्दा बढी बीमाशुल्क आर्जन गरेका छन् । सानिमा जिआईसी, प्रभु इन्स्योरेन्स, दि ओरियण्टल, राष्ट्रिय बीमा कम्पनी, नेपाल इन्स्योरेन्स र नेपाल इन्स्योरेन्सले भने अर्बभन्दा कम बीमाशुल्क आर्जन गरेका छन् ।

नेशनल इन्स्योरेन्सले भने सबैभन्दा कम बीमाशुल्क आर्जन गरेको छ । कम्पनीले १४ हजार ९२३ ओटा बीमालेख जारी गरेर रू. ५१ करोड १९ लाख बीमाशुल्क आर्जन गरेको हो । 

कुनको कति ?

स्रोत : नेपाल बीमा प्राधिकरण । 

प्रतिक्रिया [0]

पुरा नाम: *

इमेल: *

प्रतिकृया: *
पठाउनुहोस