एक नेपाली सहित सयौं मानिसको मृत्यु पछि आक्रमणको राष्ट्रसंघद्वारा भत्सर्ना

नरहरि आचार्य

 असार १९, काठमाडौं (अस)। संयुक्त राष्ट्रसंघीय उच्च आयुक्तको कार्यालय र अन्तरराष्ट्रिय आप्रवासन संगठनले लिवियाको राजधानी त्रिपोलीको पू्र्वमा रहेको ताजऔरा हिरासत केन्द्रमा एक नेपालीसहित सयौं मानिसको मृत्यु हुने गरी मंगलवार राति भएको आक्रमणको भत्सर्ना गरेको छ ।

ताजौरामा महिला र बालबालिकाहरू सहित करिब ६०० आप्रवासी र शरणार्थीहरू थिए, संयुक्त राष्ट्रसंघीय उच्च आयुक्तको कार्यालय र अन्तरराष्ट्रिय आप्रवासन संगठनले भनेका छन् । आक्रमणमा सयौं जनाको मृत्यु भयो र दर्जनौं घाइते भए, उनीहरूले भनेका छन् ।

‘संयुक्त राष्ट्रसंघीय उच्च आयुक्तको कार्यालय र अन्तरराष्ट्रिय आप्रवासन संगठनले भन्दै आएको छ कि भूमध्य सागरमा पक्राउ परेका (युरोप जान लागेका) आप्रवासी तथा शरणार्थीहरूलाई लिविया फिर्ता गरिनु हुँदैन किन भने उनीहरूलाई त्यहाँ खतरा छ,’ दुई संस्थाले जारी गरेको वक्तव्यमा भनिएको छ । वक्तव्यमा भनिएको छ, ‘हाम्रा दुई संस्था गैर सैनिकहरू माथिको आक्रमणको भत्सर्ना गर्दछौँ ,हामी आप्रवासी र शरणार्थीहरूलाई हिरासत मुक्त गर्न पनि आग्रह गर्दछौं साथै हामी उनीहरूको लिवियामा सुरक्षाको माग पनि गर्दछौं ।’

लिवियाको शरणार्थी शिविर आक्रमणमा एक नेपालीको मृत्यु भएको छ भने ८ जनालाई नेपाल फर्काइएको छ । उक्त आप्रवासी हिरासत केन्द्रमा भएको आक्रमणमा एक नेपालीको ज्यान गएकोे छ ।आक्रमणमा परी सन्तोष श्रेष्ठको मृत्यु भएको हो । आप्रवासीहरुको अन्तरराष्ट्रिय संगठन आईओएमले आक्रमणमा घाइते उनको अस्पतालमा उपचारका क्रममा मृत्यु बताएको छ ।

उनको स्थायी ठेगाना कहाँ हो र कसरी त्यहाँ पुगे भन्ने बारे केहि खुलेको छैन । कायरोस्थित नेपाली दूतावासका अनुसार, यसबारे अनुसन्धान भइरहेको छ । यी दुवै संस्थाले लिवियाको युद्धमा संलग्न सबैलाई गैरसैनिक मानिसहरू माथि हमला नगर्न पनि आग्रह गरेका छन् ।

एजेन्सीको सहयोगमा

प्रतिक्रिया [0]