श्री एयरलाइन्सलाई अन्तरराष्ट्रिय उडान अनुमति, बंगलादेशसहित भारतका ४ शहरमा उडान गर्न पाउने

टीपी भुसाल

साउन २९ काठमाडौं । श्री एयरलाइन्सले अन्तरराष्ट्रिय उडानको अनुमति पाएको छ । संस्कृति तथा पर्यटन मन्त्रालयले श्रीलाई बंगलादेशको ढाकासहित भारतका ४ शहरमा उडान गर्न अनुमति दिएको हो ।

संस्कृति पर्यटन तथा नागरिक उड्ययन मन्त्रायले बंगलादेशको ढाका, भारतको नयाँ दिल्ली, कोलकाता, बैंग्लोर र अहमदावादमा गरी पाँच ठाउँको लागि उडान अनुमति दिएको श्री एयरलाइन्सले जानकारी दिएको छ । श्रीले साउन २७ गते मात्रै भारतको बनारसमा परीक्षण उडान सम्पन्न गरेकोे थियो ।

मन्त्रालयले उडान सञ्चालनका लागि अनुमति दिएपछि नेपाल नागरिक उड्डयन प्राधिकरण (क्यान)बाट उडान अनुमति लिनु पर्छ । यस्तै सेडुअल उडानको लागि ती देशका उड्डयन प्राधिकरणसँग विमान उडान अनुमतिको लागि पहल गर्ने श्री एयरलायन्सका व्यवस्थापक अनिल मानन्धरले जानकारी दिए । क्यानले अन्तरराष्ट्रिय चार्टर उडानका लागि अनुमति दिएसँगै श्रीले भारतको बनारसमा परिक्षण उडान गरेको थियो । कम्पनीले एओसी नआउँदासम्म भारत तथा बंगलादेशका केही शहरमा चार्टर उडान गर्ने तयारी गरेको उनले जानकारी दिए ।

श्रीसँग हाल क्यानडाको बम्बार्डियर ७० सिट क्षमताको सीआरजे ७०० र ५० सिट क्षमताको सीआरजे २०० का दुई–दुई ओटा जहाज छन् । श्रीले हाल भद्रपुर, विराटनगर, राजविराज, भैरहवा, नेपालगञ्ज र धनगढीमा नियमित उडान गर्दै आएको छ । नयाँ जहाज आएपछि पोखरा, सिमरा र जनकपुरमा पनि उडान गरिने एयरलाइन्सले जानकारी दिएको छ ।

प्रतिक्रिया [0]