रोशन तिवारी
असोज ५, पर्वत । कालीगण्डकी लोकमार्गको पर्वत खण्ड विस्तारको काम अलपत्र परेको छ ।
ट्रयाक खोलेर सकिने बेलासम्म ठेकेदार कम्पनीको ठगीले करिडोरको काम रोकिएको हो । स्याङ्जाको मिर्मीबाट पर्वतको मालढुङगा सम्मको ५५ किलोमिटर सडक खण्ड विस्तारको काम रोकिएकोमा यतिखेर स्थानीय आक्रोसित छन् ।
विसं २०७३ साल असार २२ मा सम्झौता भई २०७५ जेठ २१ गतेसम्ममा काम सम्पन्न गर्नु पर्ने सम्झौता भएपनि सडकको जिम्मा लिएको सूर्य कन्ट्रक्सन प्रालि सुकेधारा काठमाडौंले काम सकेको छैन् । पर्वत खण्डमा ३० प्रतिशतभन्दा बढी काम बाँकी रहेको छ ।
काम अलपत्र भएकै कारण आयोजना कार्यालय ठेकेदार कम्पनीलाई कारवाहि गर्ने तयारीमा छ । कन्ट्रक्सन कम्पनीले रू.९ करोड १७ लाख ४९ हजार २४५ को लागतमा निर्माणको काम सक्ने लक्ष्यका साथ सम्झौता गरेको लोकमार्ग आयोजना कार्यालय पाल्पाले बताएको छ ।
ट्रयाक खोलिएको ठाउँमा पनि गाडी गुड्ने अवस्था छैन् । उक्त खण्डको फलेवास ढिकदेखि मोदीवेणीसम्म ट्रयाक खुले पनि सवारीसाधन चल्ने अवस्था छैन भने मोदीवेणीदेखि अर्मादीसम्मको तीन किलोमिटर ट्रयाक खोलेको छैन् ।
‘सडक अलपत्र पार्ने कम्पनीलाई कारवाही गर्नुपर्छ,’ फलेवास ४ का कृष्णप्रसाद लम्सालले भने, ‘राष्ट्रिय गौरवको आयोजना अलपत्र पार्नेलाई छुट दिनुहुँदैन ।’ काम अलपत्र पार्ने ठेकेदार कम्पनीले अहिलेसम्म झण्डै रू.६ करोड भुक्तानी लगिसकेको छ भने रू.३ करोड १७ लाख भुक्तानी पाउन बाँकी रहेको कार्यालयले बताएको छ ।
पटक– पटक पत्राचार गर्दा पनि काम शुरु नगरेको आयोजना प्रमुख नगेन्द्र सुुवेदीले जानकारी दिए । ‘ दैनिकजसो ठेकेदारलाई सम्पर्क गरेर काम शुरु गर्न ताकेता गरेका छौं,’ उनले भने,‘ काम शुरु नगरे कानून बमोजिम कारवाही गर्छौं ।’
सूर्य कन्ट्रक्सनका सञ्चालक सूर्यबहादुर खड्काले विभिन्न समस्याका कारण केही समय ढिलाइ भएको बताउँदै आगामी पुस १५ गतेभित्र काम सम्पन्न गर्ने प्रतिबद्धता व्यक्त गरेका छन् ।
वर्षायाम भएकाले काम सुचारु गर्न सकेका छैनौँ भन्दै उनले अब केही पहरा कटान गरेर ट्रयाक खोल्ने काम र ग्राभेलिङको काम मात्र बाँकी रहेकाले तीन महीनाभित्र सम्पन्न हुने दाबी गरे ।
राष्ट्रिय गौरवको योजना लामो समयदेखि अलपत्र परेको भन्दै चौतर्फी आलोचना भइरहेका बेला ठेकेदारले तीन महीनाभित्र काम सम्पन्न गर्ने प्रतिबद्धता भने व्यक्त गरेको छ ।
पेट्रोल–डिजेलको मूल्य घट्यो
‘ग्लोबल रिच अष्ट्रेलियन एजुकेसन फेयर’ माघ ५ बाट, अष्ट्रेलियाका २५ बढी युनिभर्सिटीका प्रतिनिधि आउने
जलविद्युत कम्पनीका शेयरमा लगानीकर्ताको आकर्षण, एक महीनामा १९.६४ % बढ्यो परिसूचक
माघे सङ्क्रान्तिको दिन टुँडिखेलमा भीडमा च्यापिएर ११ जना घाइते
लक्ष्मी सन्राइज बैंकको २३औं साधारण सभा
बाटोले विकासको सम्भावना खुलेको छ : अर्थमन्त्री डा. महत
३८ करोडले घट्यो चिया निकासी
पाँच महीनामा निर्जीवन बीमा कम्पनीले आर्जन गरे १५ अर्ब ७२ करोडभन्दा बढी बीमाशुल्क
कृषिमा लगानीको तयारी गर्दै भाटभटेनी
नृसिंहधाम, जहाँ बन्नेछ नेपालको पहिलो पानीमुनिको मन्दिर ! [तस्वीरहरू]
विद्युतीय तार भूमिगत : साढे २ वर्षमा सक्नुपर्ने काम ४ वर्षमा पनि सकिएन