३०७ जना यूरोपियन पर्यटक लिएर कतार एअर दोहा उड्यो 

टीपी भुसाल

चैत १४, काठमाडौं । कोभिड– १९ को संक्रमणबाट बच्न सरकारले उच्च सर्तकता अपनाउँदै लकडाउन गरेपछि नेपालका विभिन्न ठाउँमा अलपत्र परेका ३०७ जना यूरोपियन पर्यटक स्वदेश फर्किएका छन् । 

जर्मन तथा फ्रेन्च दूतावासले विमान चाटर्ड गरेर ल्याएका विदेशीहरु स्वदेश गएका हुन् ।  

बिहीवार लुक्लाबाट उद्धार गरी ल्याइएका,पोखरामा रोकिएका तथा काठमाडौंका विभिन्न स्थानमा रहेका ३०७ यूरोपियन नागरिकहरु कतार एयरलाइन्सको विमानबाट शुक्रवार  स्वदेश फर्किएका हुन् । 

दोहाबाट खाली आएको सो जहाज शुक्रवार विहान १० : १५ मा त्रिभुवन अन्तरराष्ट्रिय विमानस्थलमा अवतरण भएको थियो । फ्रेन्च र जर्मन दूतावासको पहलमा ३०५ जना वयस्क र ३ जना बालबालिका गरी ३०७ जना यूरोपियन नागरिक स्वदेश फर्किएको त्रिभुवन विमानस्थलका महाप्रबन्धक देबेन्द्र केसीले जानकारी दिए ।  

नेपालमा लकडाउन भएपछि २ दिनदेखि लुक्लामा १४ जना फ्रान्सेली पर्यटक अलपत्र परेपछि बिहीवार तारा एअर मार्फत उनीहरुको उद्दारको लागि शुक्रवार त्यसतर्फ जहाज पठाइएको छ । 

काठमाडौंस्थित फ्रान्सेली दूतावासले आफ्ना नागरिकहरुको उद्दारका लागि संस्कृति, पर्यटन तथा नागरिक उड्डयन मन्त्रालयमा पत्राचार गरेपछि निजी क्षेत्रका जहाजमार्फत बिहीवार उद्दार गरिएको थियो । यस्तै बुद्ध एयरको विमान चार्टर गरी पोखरामा रहेका फ्रेन्च तथा जर्मन गरी थप ५० जना नागरिकलाई काठमाडौं ल्याएको थियो ।

अहिले पनि विभिन्न ठाँउमा सयौं पर्यटकह अलपत्र अवस्थामा रहेका छन् । कतिपय पर्यटक सुरक्षित अवसथामा रहेपनि केही अलपत्र अवस्थामा रहेकोले उनीहरुको खोज तथा उद्दार जारी रहको ट्रेकिङ एजेन्सिज एशोसियसन अफ नेपाल (टान) ले  जानकारी दिएको छ । 

प्रतिक्रिया [0]

पुरा नाम: *

इमेल: *

प्रतिकृया: *
पठाउनुहोस