कोरोना परिक्षणका सामग्री चीनबाट आइपुग्यो

टीपी भुसाल

चैत १६, काठमाडौं  । कोरोना भाइरस (कोभिड–१९)परिक्षणका लागि आवश्यक उपकरण लिएर नेपाल वायुसेवा निगमको वाइडबडी जहाज आइतवार विहान  ५ बजे आइपुगेको छ । उक्त जहाज शनिवार अपरान्ह चीनको क्वानचाउ गएको थियो ।

जहाजबाट कोरोना भाइरस परिक्षणका किट्स, व्यक्तिगत सुरक्षा सामग्री (पीपीई), औषधि र अन्य मेडिकल उपकरण आइपुगेको नेपाल उड्यन प्राधिकरणले बताएको छ ।

स्वास्थ्य मन्त्रालयको अर्डरअनुसार अत्यावश्यक स्वास्थ्य सामग्री लिन नेपाल एयरलाइन्सको आरए ४१७१ विमान चीनको क्वान्चउ उडेको थियो । सरकारले करीब रू.१ अर्ब बरावरको स्वास्थ्य सामग्री खरीद गरेर ल्याएको छ । 

उक्त  जहाजमा सरकारले खरीद गरेको स्वास्थ्य सामग्री बाहेक ज्याक मा फाउन्डेसनले सहयोगका गरेका स्वास्थ्य सामग्री र सिचुवान प्रान्तीय सरकारले दिएको सामग्री पनि रहेका छन् ।

 

प्रतिक्रिया [1]

---

पुरा नाम: *

इमेल: *

प्रतिकृया: *
पठाउनुहोस