विदेशबाट फर्केका व्यक्तिसँग सम्पर्कमा आएकालाई १५ दिन घरमै बस्न आग्रह 

टीपी भुसाल

चैत २३, काठमाडौं । स्वास्थ्य तथा जनसंख्या मन्त्रालयले गत तीन हप्ताभित्र विदेशबाट फर्केका व्यक्तिसँग सम्पर्कमा आएको भए कम्तिमा १५ दिन  आ–आफ्नो घरमै बस्न सर्वसाधारणलाई अनुरोध गरेको छ । 

स्वास्थ्य आपतकालीन कार्यसञ्चालन केन्दले आइतवार एक विज्ञप्ति जारी गर्दै सो आग्रह गरेको हो । कैलाली जिल्लामा विदेशबाट आएका एक जना व्यक्तिबाट स्थानीय अर्को व्यक्तिमा कोरोना संक्रमण भएको पाइएपछि थप सजकता अपनाउन केन्द्रले सो आग्रह गरेको हो । 

केन्द्रका इन्सिडेन्ट कमाण्ड सिस्टम कोअर्डिनेटर डा गुणराज लोहनीद्वारा जारी विज्ञप्तिमा विदेशबाट फर्केका व्यक्तिसँग सम्पर्कमा आएको भए दुई हप्ता घरमै बस्न र अरू व्यक्तिहरूबाट कम्तिमा एक मिटरको दूरी कायम गर्न आग्रह गरिएको छ ।

यस्तै केन्द्रले ज्वरो, खोकी र श्वास फेर्न गाह्रो भएमा नजिकको स्वास्थ्य संस्थामा सम्पर्क राख्न पनि अनुरोध गरेको छ । मन्त्रालयले कैलाली, कञ्चनपुर र बाग्लुङ जिल्लामा कोरोना भाइरसको र्‍यापीड टेष्ट गर्न आइतवारबाटै टोली परिचालन  गरिसकेको छ । 

शनिवार सम्पन्न मन्त्रिपरिषद् बैठकले कैलाली, कञ्चनपुर र बाग्लुङमा र्‍यापीड परीक्षणको गर्ने निर्णय गरेको थियो । 

प्रतिक्रिया [0]

पुरा नाम: *

इमेल: *

प्रतिकृया: *
पठाउनुहोस