अध्यादेश खारेज भएपछि कांग्रेस सभापति र प्रधानमन्त्रीबीच भेटवार्ता

प्रधानमन्त्री ओली र सभापति देउवा बीच भेटवार्ता

टीपी भुसाल

वैशाख १२, काठमाडौं । सरकारको सिफारिसमा राष्ट्रपतिले दुवै अध्यादेश खारेज गरे लगत्तै प्रधानमन्त्री केपी शर्मा ओली र  नेपाली कांग्रेस सभापति शेरबहादुुर देउवाबीच बालुवाटारमा भेटवार्ता भएको छ ।

भेटवार्तामा समसामयिक विषयमा कुराकानी भएको प्रधानमन्त्रीका प्रेस सल्लाहाकार सूर्य थापाले जानकारी दिए । 

चौतर्फी विवाद भएपछि शुक्रवार बसेको मन्त्रिपरिषद बैठकले राजनीतिक दल विभाजन तथा संवैधानिक परिषदसम्वन्धि अध्यादेश फिर्ता लिँदै अध्यादेश खारेज गर्न राष्ट्रपतिलाई आग्रह गरेको थियो ।

सोही अनुरुप राष्ट्रपति विद्या देवि भण्डारीले शुक्रवार नै अध्यादेश खारेज गर्नु भएको छ । सरकारले यही वैशाख ८ गते राजनीति दल र संवैधानिक परिषद् सम्बन्धी दुई ओटा अध्यादेश ल्याएको थियो । प्रमुख प्रतिपक्षी दल नेपाली कांग्रेस सहित राष्ट्रिय जनता पार्टी, समाजवादी पार्टी र राप्रपाले अध्यादेश फिर्ता लिन सरकारसँग माग गरेका थिए । 
 

प्रतिक्रिया [0]