आन्तरिक तथा अन्तरराष्टिय हवाई उडान जेठ २ गते सम्मका लागि स्थगित

लकडाउनको विषयमा आइतवार बस्ने मन्त्रिपरिषदको बैठकले निर्णय गर्ने

टीपी भुसाल

वैशाख १३, काठमाडौं । कोरोना भाइरस (कोभिड–१९) रोकथाम तथा नियन्त्रणका लागि जारी लकडाउनको क्रममा आन्तरिक तथा अन्तरराष्टिय हवाई उडान जेठ २ गते सम्मका लागि स्थगित गरिएको छ ।
 
उपप्रधान तथा रक्षा मन्त्री ईश्वर पोखरेल नेतृत्वको कोभिड–१९ रोकथाम तथा नियन्त्रण उच्चस्तरीय समितिको शनिवार बसेको बैठकले वैशाख १८ गते (अप्रिल ३०) सम्मका लागि स्थगित आन्तरिक तथा अन्तरराष्टिय हवाई उडान थप जेठ २ गते   अर्थात मे १५ सम्मका लागि स्थगित गर्ने  निर्णय गरेको प्रधानमन्त्रि तथ मन्त्रिपरिषद कार्यालयका सचिव नारायणप्रसाद बिडारीले बताए । 

यसैवीच वैठकमा मुलुकमा जारी लकडाउनको अवधि थप लम्ब्याउने वा अरु विकल्प सोच्ने भन्ने  बारेमा छलफल भई यसबारेमा  आइतवार वस्ने  मन्त्रिपरिषदले  नै गर्ने  गरी निर्णय भएको छ ।
पटक –पटक लकडाउनको समय थप्दै आएकोमा वैशाख १५ गते यसको अवधि समाप्त हुँदैछ । सरकारले गत चैत ११ गतेदेखि लकडाउन शुरु गरेको थियो ।

प्रतिक्रिया [0]