हिमालय एयरलाईन्स स्वास्थ्य सामग्री लिन क्वान्चाउ उड्यो    

टीपी भुसाल

वैशाख १४, काठमाडौं । कोरोना भाइरसको प्रकोप नियन्त्रणका मेडिकल सामग्री लिन हिमालय एयरलाईन्सको जहाज आइतवार साँझ चिनको क्वान्चाउ उडेको  छ । 

 हिमालय एअरलायन्सका अनुसार उक्त जहाज आइतवार राती १२ बजे  क्वान्चाउ अन्तरराष्ट्रिय विमानस्थल पुग्ने तालिका रहेको छ । सोमवार विमान स्थानीय समय अनुसार विहान साढे तीन बजे मेडिकल सामग्री लिएर काठमाडौ्रंका लागि उड्ने छ ।

उक्त जहाज सोमवार विहान सवा सात बजे त्रिभुवन अन्तरराष्ट्रिय विमानस्थलमा अवतरण गर्नेछ । 

उक्त उडानका लागि आवश्यक लजिस्टिक सेवाका लागि नियमक निकायहरुबाट हालैमात्र स्विकृित पाएको र सोही अनुसार सबै प्रकारका आधारहरु पुरा गरेर क्वान्चाउ उडान गरेको एअरलायन्सका उपाध्यक्ष विजय श्रेष्ठले बताए । 

उक्त कार्गो विमानले मेडिकल उपकरण, टेस्टिङ किट, व्यक्तिगत सुरक्षाउपकरण (पीपीई), मास्क, पञ्जा लगायत अन्य औषधिजन्य सामग्री ल्याउने छ ।

 
 

प्रतिक्रिया [1]

---

पुरा नाम: *

इमेल: *

प्रतिकृया: *
पठाउनुहोस