नेपाल चेम्बर अफ कमर्सको सुझाव : होटल तथा एयरलाइन्सलाई वित्तीय प्याकेजमार्फत उद्धार गरौं

टीपी भुसाल

वैशाख  १५, काठमाडौं । नेपाल चेम्बर अफ कमर्सले कोरोना भाइरस (कोभिड–१९) ले पर्यटन क्षेत्रका गंभिर असर गरेको भन्दै पर्यटनको पुनरुत्थानको लागि  सरकारलाई सुझाव दिएको छ । साथै पर्यटनको प्रवर्द्धनको लागि थिंक ट्यांकको व्यवस्था गर्ने लगायतका सुझावसहित चेम्बरले विद्यागत पर्यटन प्रवर्द्धनका लागि ठोस कार्यक्रम ल्याउन पनि माग गरेको छ । 

चेम्बर अफ कमर्सका अध्यक्ष राजेशकाजी श्रेष्ठको नेतृत्वमा गएको टोलिले  सोमवार संस्कृति पर्यटन तथा नागरिक उड्डयन मन्त्री योगेश भट्टराईलाई भेटी उक्त सुझाव दिएका हो । 

सुझावहरुमामा आन्तरिक पर्यटन प्रवर्द्धन गर्न लागि निजामति तथा संगठित संस्थाका कर्मचारीहरु र नागरिकहरुलाई प्रोत्साहन प्याकेजसहित आन्तरिक पर्यटनमा प्रेरित गर्नुपर्ने, कोरोनाबाट होटल तथा एयरलाइन्सहरुलाई वित्तीय प्याकेजमार्फत उद्धार गर्नुपर्ने  साथै ऋण, ऋणको ग्यारेन्टी गरी कर्पोरेट बन्डमा टेवा कर छूट, एयरपोर्ट चार्ज लगायतमा वित्तीय सुविधा दिनुपर्ने, पर्यटनको प्रवर्द्धनको लागि थिंक ट्यांकको व्यवस्था गर्ने लगायत छन् ।

त्यस्तै मेडिकल टुरिजम, होम स्टे एग्रो टुरिजम ,कल्चरल टुरिजम लगायतका विद्यागत पर्यटन प्रवर्द्धनका लागि ठोस कार्यक्रम ल्याउन पनि चेम्बरले माग माग गरेको छ । 

त्यस्तै पर्यटकको चाप घटेको समयमा पर्यटन पूर्वाधारमा जोड दिनुपर्ने, नेपाल आयल निगम माग्दै आएको नगद धरौटीको सट्टा बैंक ग्यारेन्टीको ब्यवस्था गरी नगद धरौटी फिर्ता गर्नु पर्ने माग पनि चेम्बरले राखेको छ ।

चेम्बर अफ कमर्सले चीनमा कोरोनाको प्रकोप कम हुँदै गएकोले आउँदो सेप्टेम्बर अक्टोबर महीनामा पर्यटकीय सिजन भएकोले चीनको विभिन्न शहरबाट पर्यटक भिर्‍याउन सरकारी स्तरबाट पहल गर्नुपर्ने, एयरलाइन्सहरुले चीनको विभिन्न शहरबाट पर्यटक ल्याउन पहल गर्नुपर्ने, हवाईजहाज, बस, कारसहित बास बस्ने स्थान, होटल, रिसोर्ट, होमस्टे, रेस्टुरेन्ट तथा विमानस्थलमा डिसइन्फेक्ट गरिनु पर्ने सुझाव दिएको छ  । 

मन्त्री भट्टराईले चेम्बर अफ कमर्सको सुझाव बुझ्दै सरकारले पर्यटन क्षेत्रको विकासको लागि सरकारले काम गरिरहेको बताए । कोरानाका कारण सवैभन्दा बढी प्रभाव पर्यटन क्षेत्रमा परेको भन्दै मन्त्री भट्टराईले आगामी बजेट र नीति तथा कार्यक्रममा पर्यटन सुधारको प्याकेज  घोषणा हुने बताए । उनले सरकारले एयरलाईन्स होटल, रेस्टुरेन्ट मर्जरको नीति बनाएर लागुू गर्ने  बताए ।

प्रतिक्रिया [0]

पुरा नाम: *

इमेल: *

प्रतिकृया: *
पठाउनुहोस