गण्डकी प्रदेशमा थपिए १६ जना कोरोना संक्रमित 

बागलुङमा १०, पर्वतमा ४, स्याङजा र म्याग्दीमा एक\एक जना 

रोशन तिवारी

जेठ २२, पर्वत । गण्डकी प्रदेशका बाग्लुङ, पर्वत, स्याङजा र म्याग्दीमा गरी थप १६ जना कोरोना संक्रमित थपिएका छन् । बिहीवार बागलुङमा १०, पर्वतमा ४, स्याङ्जा र म्याग्दीमा एक/एक जनामा कोरोना संक्रमण पुष्टि भएको गण्डकी प्रदेशको स्वास्थ्य निर्देशनालयले बताएको छ ।

संक्रमित हुनेमा बागलुङको निसीखोला गाउँपालिकाका वर्ष २२ र २९ का २ जना पुरुष र वर्ष ३३ का १ जना महिला, बाग्लुङको बडीगाड गाउँपालिकाका वर्ष १६, २०, २१ र २५ का ४ जना पुरुष र बाग्लुङकै गल्कोट नगरपालिकाका २०, २२ र २३ का ३ जना पुरुष गरी १० जना रहेको निर्देशनालयले जनाएको छ । 

स्वास्थ्य निर्देशक तथा प्रवक्ता बिनोदबिन्दु शर्माका अनुसार पर्वतको फलेबास नगरपालिकाका बर्ष २१ का २ जना पुरुष र पर्वतकै बिहादी गाउँपालिकाका २४ र २८ वर्षका २ जना पुरुषमा कोरोना पुष्टि भएको छ । यस्तै स्याङ्जा जिल्ला, कालीगण्डकी गाउँपालिकाका वर्ष १८ का १ जना पुरुषमा कोरोना संक्रमणको पुष्टि भएको छ । 

म्याग्दी जिल्लाको मंगला गाउँपालिकाकावर्ष १९ का १ जना पुरुषमा समेत कोरोना संक्रमणको पुष्टि भएको डा. शर्माले जानकारी दिए । यससँगै गण्डकी प्रदेशमा कोरोना संक्रमितको संख्या ५४ पुगेको छ ।

प्रतिक्रिया [0]