लकडाउनकै बीच आन्तरिक उडान गर्ने तयारी  

असार १ गतेदेखि आन्तरिक उडान खुल्ने   

टीपी भुसाल

जेठ २४, काठमाडौं  । लकडाउनकै बीच  आन्तरिक विमानमा कुल सिट क्षमताको ५० प्रतिशत यात्रु राखेर असार एक गतेदेखि आन्तरिक हवाई सेवा शुरु हुने भएको छ । यसको लागि नियामक निकाय नागरिक उड्डयन प्रािधकरणले (क्यान) निर्देशिका जारी गरिसकको छ । 

क्यानका अनुसार सोही निर्देशिका अनुसार कोभिड–१९ क्राइसिस म्यानेजमेन्ट टिम (सीसीएमसी) ले असार १ गतेदेखि आन्तरिक हवाई उडान खोल्ने मन्त्रिपरिषदमा लैजाँदै छ । सम्भवतः आइतवार बस्ने मन्त्रिपरिषद् बैठकले यसबारे निर्णय गर्नेछ ।

मन्त्रिपरिषद्बाट स्वीकृत भएपछिमात्र यो प्रस्ताव कार्यान्वयनमा जाने क्यानले जानकारी  दिएको छ । 
निर्देशिका जारी भइ नियामक निकाय,विमानस्थल र विमानसेवा कम्पनीहरु तयारी अवस्थामा रहको र यसको लागि सरकाको निर्णयको प्रतिक्षा रहेको क्यानका प्रवक्ता राजकुमार क्षेत्रीले जानकारी दिए । 

सीसीएमसीले तयार पारी उच्चस्तरीय राजनीतिक संयन्त्रमा पेस भएको उक्त प्रस्तावमा कुल क्षमताको ४० प्रतिशत यात्रु राखेर हवाई सेवा खुला गर्ने उल्लेख गरिएको छ । यद्यपि विमानसेवा प्रदायक कम्पनीहरुले ४० प्रतिशत क्षमतामा जहाज उडान गर्दा विमान सेवा कम्पनीले उल्टो नोक्सान व्यहोर्नुपर्ने भएकोले यसलाई ५० प्रतिशत गर्न आग्रह गरेको प्रवक्ता क्षेत्रीले बताए । अहिले सोही अनुसार प्राधिकरण सहमत भएको हवाई सेवा सञ्चालक संघ (आवोन) ले जानकारी दिएको छ । 

सोही निर्देशिका अनुसार विमान सेवा कम्पनीहरुले आ आफ्नो स्ट्याण्डर्ड अपरेशन पर्सुुडियर्स (एसओपी) तयार पारी क्यानमा पेश गरिसकेका छन् । विमानसेवा कम्पनीहरुले आ आफ्नो स्ट्याण्डर्ड अपरेशन पर्सुुुडियर्स (एसओपी) तयार पारी क्यानमा पेश गरिसकको र आफुहरु क्यानले जारी गरेको निर्देशिका अनुसार सेवा शुरु गर्न तयार रहेको (आवोन) का प्रवक्ता योगराज शर्मा कंडेलले बताए ।
 

‘हामीले क्यानको निर्देशिका अनुसार सबै तयारी गरेका छौं, सम्भवतः असार १ गतेबाटै लागू हुने गरी यो निर्णय कार्यान्वयनमा जाने अपेक्षा गरेका छौं’,उनले भने । 

यसको लागि नेपाल नागरिक उड्डन प्राधिकरणले विमानसेवा कम्पनी, विमानस्थल र यात्री र कर्मचारीले उडान गर्दा के गर्ने के नगर्ने भन्ने उल्लेख गरि आन्तरिक उडानको निर्देशिका जारी गरेको छ । 

प्राधिकरणले जारी गरेको निर्देशिका अनुसार कोभिड–१९ सँंग मिल्ने चार प्रकारका लक्षण भएका बिरामीले हवाई उडान गर्न पाउने छैनन् । जसमा ज्वरो, रुघा खोकी, स्वासप्रस्वाशमा समस्या र स्वाद वा गन्ध थाहा नपाउने जस्ता लक्षण भएका व्यक्तिहरु पर्नेछन् । 

हवाई उडान पहिले हरेक यात्रुहरूको ज्वरो चेक गरिने,वाई उडान गर्ने व्यक्तिले अनिवार्य मेडिकल मास्क प्रयोग गर्नुपर्ने र उडानका बेला सम्बन्धित व्यक्तिको तापक्रम ३८ डिग्री सेल्सियल वा १०० दशमलव ४ डिग्री फरेनहाइट भन्दा कम हुनुपर्ने निदेर््शिकामा उल्लेख  छ ।

विमानस्थलमा भेटघाट तथा स्वागत सत्कारमा प्रतिबन्ध लगाइएको छ । 
यसका अतिरिक्त विमानसेवा कम्पनीहरुलाई एकै पटक उडान नगरी फरक फरक समयमा उडानको व्यवस्था मिलाउने क्यानका प्रवक्ता क्षेत्रीले जानकारी दिए ।

कोभिड–१९ कै बीच विभिन्न देशहरुले आन्तरिक हवाई उडान सुरु गर्न लागेपछि अन्तर्राष्ट्रिय नागरिक उड्डयन संगठन (आईकाओ) ले पनि अन्तरराष्ट्रिय उडानको लागि नयाँ निर्देशिका (गाइडलाईन) सार्वजनिक गरेको छ ।

अन्तरराष्ट्रिय नागरिक उड्डयन संगठन (आईकाओ) परिषदले डब्लुएचओ र विभिन्न संस्थाको सुझावमा परिषदको उड्डयन रिकभरी टास्क फोर्सले (कार्ट) रिपोर्ट तयार पारी सार्वजनिक गरेको हो ।

आईकाओले अब विस्तारै उडान प्रतिबन्ध खुल्ने र यात्रु बढ्दै जानेहुँदा  विमानसेवा कम्पनी र विमानसेवा कम्पनीहरुले सार्वजनिक स्वास्थ्य सुरक्षामा मापदण्ड सार्वजनिक गर्नुपर्ने बताएको छ । 

प्रतिक्रिया [0]

पुरा नाम: *

इमेल: *

प्रतिकृया: *
पठाउनुहोस