टीपी भुसाल
काठमाडौं । अब सरकारी तथा निजीक्षेत्रका कार्यालयहरू दैनिक दुई सिप्mटमा सञ्चालन हुने भएका छन् । सरकारले झन्डै ३ महीनादेखि जारी लकडाउनको मोडालिटी परिवर्तन गरी कार्यालयहरू दुई सिफ्टमा सञ्चालन गर्ने नीति लिएको हो ।
प्रधानमन्त्री निवास बालुवाटारमा बुधवार राति बसेको मन्त्रिपरिषद् बैठकले अहिलेलाई सरकारी तथा गैरसरकारी कार्यालय, बंैक वित्तीय संस्थाहरू, शैक्षिक संस्थाका कार्यालयहरू खोल्ने निर्णय गरेको बिहीवार सञ्चार मन्त्रालयमा आयोजित पत्रकार सम्मेलनमा अर्थ तथा सञ्चारमन्त्री डा. युवराज खतिवडाले जानकारी दिए । मन्त्रिपरिषद्का निर्णयबारे जानकारी दिँदै उनले यस्ता कार्यालयहरू बिहान ८ बजेदेखि दिउँसो १ बजे र दिउँसो १ बजेबाट साँझ ६ बजेसम्म गरी दुई सिफटमा चलाउनुपर्ने निर्णय भएको बताए ।
डा. खतिवडाका अनुसार एकै समयमा मानिसहरूको बढी भीड नहोस् र भौतिक दूरी कायम होस् भनेर यस्तो निर्णय गरिएको हो । मन्त्रिपरिषद् बैठकले उद्योग, व्यवसाय, पसल र डिपार्टमेन्ट स्टोर्सहरू सबै प्रकारका ढुवानीका साधनहरू पनि खुला गर्ने निर्णय गरेको छ ।
निजी सवारीहरू जोरबिजोर प्रणालीमा चलाउन दिने, व्यक्तिको पैदल आवागमन, साइकल र मोटरसाइकल (मोटरसाइकलमा १ जना) सवारी गर्न पाइने निर्णय गरिएको सरकारका प्रवक्तासमेत रहेका डा. खतिवडाले जानकारी दिए । सरकारी र निजी कम्पनीका कर्मचारी बोक्न पनि जोरबिजोर प्रणालीमा सवारी चलाउन पाइनेछ । यसरी सवारी चलाउँदा एक लहरका सीटमा एक जनाका दरले मात्र यात्रु राख्ने र मास्क लगाउनेलगायत सबै स्वास्थ्य सावधानी अपनाउनुपर्ने खतिवडाले बताए । तर, सरकारले तोकेको बाहेकका अन्तरराष्ट्रिय सीमानाकाबाट हुने आवतजावत, अनुमति प्राप्तबाहेकका अन्तरराष्ट्रिय तथा आन्तरिक उडान, होटल, सार्वजनिक यातायात, (पर्यटक सवारीसाधनसमेत) सबै प्रकारका सभासम्मेलन गोष्ठी आदि सञ्चालन गर्न यसअघि लगाइएको प्रतिबन्ध कायमै रहेको डा. खतिवडाले जानकारी दिए । पार्टी प्यालेस, डान्सबारलगायत मनोरञ्जन स्थलहरू, सार्वजनिक पुस्तकालय, संग्रहालय, चिडियाखाना स्पा, सैलुन तथा ब्युटीपार्लर, स्वीमिङ पुल, जिमखानालगायत हेल्थ क्लब, सपिङ मल, समूहमा खेलिने खेलकुद र खेलमैदानमा हुने प्रस्तुति, सबै प्रकारका धार्मिक तथा सामाजिक स्थल आदि सञ्चालनमा प्रतिबन्ध कायमै रहेको छ ।
सञ्चालनमा आउने क्षेत्रहरू
पेट्रोल–डिजेलको मूल्य घट्यो
‘ग्लोबल रिच अष्ट्रेलियन एजुकेसन फेयर’ माघ ५ बाट, अष्ट्रेलियाका २५ बढी युनिभर्सिटीका प्रतिनिधि आउने
जलविद्युत कम्पनीका शेयरमा लगानीकर्ताको आकर्षण, एक महीनामा १९.६४ % बढ्यो परिसूचक
माघे सङ्क्रान्तिको दिन टुँडिखेलमा भीडमा च्यापिएर ११ जना घाइते
लक्ष्मी सन्राइज बैंकको २३औं साधारण सभा
बाटोले विकासको सम्भावना खुलेको छ : अर्थमन्त्री डा. महत
३८ करोडले घट्यो चिया निकासी
पाँच महीनामा निर्जीवन बीमा कम्पनीले आर्जन गरे १५ अर्ब ७२ करोडभन्दा बढी बीमाशुल्क
कृषिमा लगानीको तयारी गर्दै भाटभटेनी
नृसिंहधाम, जहाँ बन्नेछ नेपालको पहिलो पानीमुनिको मन्दिर ! [तस्वीरहरू]
विद्युतीय तार भूमिगत : साढे २ वर्षमा सक्नुपर्ने काम ४ वर्षमा पनि सकिएन