यातायात व्यवसायीले बैंकलाइ पहिलो चरणमा ११० ओटा गाडीको चाबी बुझाए

नरहरि पौड्याल

असार २२, कास्की । पृथ्वी राजमार्ग बस सञ्चालक कम्पनी प्रालिले ११० ओटा गाडीका चाबी बैंकलाई बुझाएको छ । कोरोना भाइरसको संक्रमण (कोभिड–१९) करीब साढे तीन महीनादेखि गाडी ग्यारेजमा थन्काएको अवस्थामा बैंकले किस्ताको लागि ताकेता गरेको भन्दै प्रालिले बैंकलाई ऋणको किस्ताको सट्टा गाडीको चाबी बुझाएका हुन् । 

सरकारले गरेको लकडाउनका कारण गाडी चलाउन नपाउँदा आम्दानी नभएकाले किस्ता बुझाउन असमर्थ रहेको व्यवसायीको भनाइ छ । असहज अवस्थामा ऋणको किस्ता ६ महीना पर सार्न माग गर्दा बैंक तथा वित्तिय संस्थाहरुले वेवास्ता गरेपछि गाडीको चाबी बुझाउने अभियान थालेको पृथ्वी राजमार्ग बस सञ्चालक कम्पनी प्रालिका अध्यक्ष योगेन्द्रबहादुर केसीले जानकारी दिए ।

उनका अनुसार प्रालिले सोमवार एनएमबि बैंकमा ३० ओटा, गरिमा विकास बैंकमा २५ ओटा, प्राइम बैंकमा ३० ओटा र मुक्तिनाथ विकास बैंकमा २५ ओटा सहित कुल ११० ओटा चाबी बुझाएको हो । 

यातायात व्यवसायीहरुले सरकार र राष्ट्र बैंकलाई दबाब दिनका लागि सांकेतिक रुपमा चाबी बुझाएको खुलाएपछि बैंकले चाबी बुझेका थिए ।

कम्पनीका अध्यक्ष केसीले ऋणको किस्ता तिर्ने म्याद थप्ने सरकारलाई पटक÷पटक आग्रह गरेपनि बेवास्ता गरेकाले बाध्य भएर तालाचाबी बुझाएको बताए । व्यवसायीले किस्ता र ब्याज तिर्दैनौं भनेका छैनन्, ऋणको किस्ता तिर्ने समय ६ महीना पर सारिदिन मात्र आग्रह गरेका हुन्’ उनले भने । व्यवसायीको आग्रहलाई सरकार, राष्ट्र बैंक र बैंक तथा वित्तिय संस्था कसैले वास्ता गरेनन् । त्यसैले बाध्य भएर चाबी बुझाउन आएका हौं ।’ 

उनले पहिलो पटक थोरै गाडीको चाबी बुझाएर सरकारको ध्यानाकर्षण गरेको बताउँदै तत्कालै सुनाइ नभए सबै गाडीको चाबी बुझाउने उनले बताए । चाबी लिनुअघी बैंकका प्रमुखहरुले व्यवसायीको समस्याबारे आफूहरु जानकार रहेको बताएका थिए । उनीहरुले राष्ट्र बैंक यस समस्याको समाधान गर्ने गरी अगाडी बढ्नुको विकल्प नभएको बताए । 

कम्पनीका संस्थापक अध्यक्ष तथा नेपाल यातायात व्यवसायी राष्ट्रिय महासंघका केन्द्रीय उपाध्यक्ष ऐनकुमार साईले सरकार र राष्ट्र बैंकले व्यवासयीको समस्यालाई गम्भिरतापुर्वक नलिएका कारण गाडीको चाबी बुझाउन अभियान शुरु गरेको बताए । कम्पनीले क्रमश १ हजार १७० ओटै गाडीको चाबी बुझाउने बताएको छ । 

प्रतिक्रिया [0]