बडादसैंमा विभिन्न देशका राजदूतहरुले दिए नेपालीलाई  शुभकामना 

चिनियाँ राजदूत यान्छी रेशम फिरिरी..... गीत गाउँदै, अमेरिकी राजदूत मासु पकाउँदै 

टीपी भुसाल

कात्तिक १०, काडमाडौं  । विदेशीहरुले सबैभन्दा बढी गाउने नेपाली गीत मध्ये पर्ने ‘रेशम फिरिरी....’ बोलको गीत गाउँदै नेपालका लागि चिनियाँ राजदूत होउ यान्छीले विजया दशमीको शुभकामना दिएकी छन् । 

आफ्नो ट्विटरमा गीत गाउँदै गरेको भिडिओ राखेर चिनियाँ राजदूत यान्छीले नेपालीहरूलाई दसैं शुभकामना दिएकी हुन् । 

‘मेरा सहकर्मी र मैले नेपाली गीत रेशम फिरिरी भन्ने गितको अभ्यास गर्‍यौं र अन्तमा हामी गाउन सफल भएका छौं’, उनले सामाजिक सञ्जाल ट्विटरमा भनेकी छन् । एक मिनेट २८ सेकेन्डको भिडिओ सेयर गर्दै उनले विजयादशमीले सबैलाई शौभाग्य र खुसी ल्याओस भन्दै शुभकामना पनि दिएकी छन् ।

यस्तै नेपालका लागि भारतीय राजदूत  विजय मोहन क्वात्राले पनि विजयादशमीको उपलक्ष्यमा राम्रो स्वास्थ्य, समृद्धिको कामना गरेका छन् ।

‘असत्यमाथि सत्यता र अन्यायमाथि न्यायको विजयको प्रतीक विजयदशमीको शुभ अवसरमा नेपालका साथीहरुलाई हार्दिक शुभकामना । यस चाडले तपाई र तपाईको परिवारलाई राम्रो स्वास्थ्य, समृद्धि र भाग्य ल्यायोस’, क्वात्राले ट्वीटमार्फत शुभकामना व्यक्त गरेका छन् । 

यस्तै नेपालका लागि अमेरिकी राजदूत र्याण्डी बेरीले गतवर्ष दूतावासले आयोजना गरेको दसैंको टीका ग्रहण र सांस्कृतिक कार्यक्रमको तस्वीर ट्वीटरमा राखेर विजयादशमी –२०७७ को शुभकामना दिएका छन् । 

राजदूत बेरीले बडादसैं मनाइरहेका सबैमा शुभकामना दिंदै ट्वीटरमा ‘२०७७ सालको विजयादशमीको उपलक्ष्यमा म लगायत नेपालस्थित अमेरिकी मिशनको तर्फबाट यो चाड मनाइरहनुभएका सबैमा सुख, स्वास्थ्य, तथा समृद्धिको शुभकामना व्यक्त गर्न चाहन्छौं’, भनेका छन् ।

राजदूत बेरीले बडादसैंको रमाइलोमा खसीको मासु खाने भन्दै मासुको परिकारलाई पहिलो पटक पकाएको अनुभव पनि साटेका छन् । उनले आफुलाई बडादसैंको असाध्यै मनपर्ने पक्षहरुमध्ये एक भनेको अष्ठमिमा मीठो खसिको मासु खाने अवसर पनि एक हो भनेका छन् । 

उनले अहिले सामाजिक दूरी कायम गर्नु पर्ने र बाहिरफेर हिंड्न नमिलेकाले आफ्नो परिवारलाई खसीको मासु बनाउन आफै भान्सामा आइपुगेको भन्दै मासु पकाएको भिडियो सार्वजनिक गरेका छन् ।  
 

प्रतिक्रिया [0]