भूकम्पको इपिसेन्टर बारपाकमा गाउँपालिकाको सिंहदरवार, ६० रोपनी जग्गामा ५ करोड खर्चेर तयार*

गणेश सुवेदी

माघ ११, काठमाडौ। २०७२ सालको भूकम्पको केन्द्रबिन्दु गोरखाको बारपाक हाल चिटिक्क परेको छ। गाउँ - गाउँको सिहदरवार भनिएको स्थानिय सरकारले जनजिविका र विकासमा कत्तिको सिहदरवारको झल्को दियो त्यो बेग्लै पाटो हो। तर बारपाक सुलिकोट गाउँपालिकाको पालिका कार्यलय भने सानो सानो सिहदरवार भन्दा फरक छैन।

 
रातो र सेतो रङले पोतिएको यो भवन चिटिक्क र आकर्षक  देखिन्छ। कुनै स‌घिय मन्त्रालयको भवन भन्दा कम छैन यो भवन। देश स‌घिय सरचनामा गएपछि धेरै पालिकाहरुका प्रशासनिक भवन बनेका छन भने केहि बन्ने क्रममा समेत छन्। तर यसरी आकर्षक र चिटिक्क परेको भवन सायदै अन्त होलान। बारपाक सुलिकोट गाउँपालिकाले आफ्ना प्रशासकीय कार्य सम्पादन गर्नका लागि यो भवन निर्माण गरेको हो ।

गोरखाको भिरालो जमिन, उच्च डाँडो, डाँडाको टुप्पोमा चिटिक्क परेको आकर्षक भवन । झट्ट हेर्दा दरवार जस्तै देखिने यो भवन भित्र १६ वटा हल रहेका छन्। पछि आश्यक्ता अनुसार पाटेसन गर्न सकियोस भनेर २ कोठा बराबर १  हल हुने गरि फिनिसिङ गरिएको छ।  भवनको तीन तर्फ  बाहिर निस्कने ढोका  बनाइएको छ । तीन तलाको भवनमा सबै कोठा हल जस्तै ठूला बनाइएको  गाउँपालिकाका ईन्जिनियर अविनव गौतमले बताए । 

हालको ६ न वडामा भाडाको घरबाट सेवा सञ्चालन गरेको गाउँपालिकाले ६० रोपनी जग्गा खरिद गरि भवन निर्माण शुरु गरेको थियो। गण्डकी प्रदेश सरकार, जिल्ला समन्वय समिति र बारपाक सुलिकोट गाउँपालिकाको साझेदारीमा पाँच करोड १० लाख रुपैयाँको लागतमा भवन निर्माण भएको हो । 

भवन निर्माणका लागि नवकान्तिपुर कन्स्ट्रक्सन कम्पनी प्रालिले जिम्मा लिएको थियो । निर्धारित समय भन्दा ढिलो निर्माण सरु भएको निर्माणको काम २०७७ कार्तिक बाट शुरु भएको थियो। ठेकेदार कम्पनीले सम्झौता गरे अनुसार नै काम सक्काएको हो । कम्पनीले २०७८  मंसिर २१ गते भवन निर्माण सम्पन्न गरेको थियो । 

भवन निर्माणको बाहिरी काम सकिएता पनि भित्रि काम अभै बाँकी रहेको गाउँपालिका प्रमुख प्रसासकिय अधिकृत ईश्वरी प्रसाद पनेरुले बताए । ‘भित्री डेकोरेसनको काम भईरहेको छ, सकिने बित्तिकै नयाँ भवन बाट सेवा शुरु गर्छौ,’ उनले अभियानसँग भने ।

भवन हस्तान्त्रण भइनसकेको र डेकोरेसनको काम समेत बाँकी रहेकोले हाल गाउँपालिकाको पुरानै टसको भवन बाट कार्यसम्पादन भईरहेको पनेरुले जानकारी दिए । 

गण्डकी प्रदेशको एतिहासिक तथा प्राचिनतम महत्व बोकेको गोरखा अन्तर्गत पर्ने यस बारपाक सुलिकोट गाउँपालिकामा गाउँपालिका घोषणा गर्दा साविकका बारपाक,स्वारा, स्वौरपानी, ताकुमाझलाकुरिबोट, ताकुकोट,पाचखुवा देउराली  र पन्द्रुङ गा .वि. स. समावेश गरिएको छ ।  

बिश्वकै ध्यान केन्दित गरेको महाभूकम्प २०७२ को केन्द्रबिन्दु बारपाक ऐतिहासिक र पर्यटकिय  रुपले रमणीय सुलिकोट डाँडा, प्रसिद्द सिता गुफा, ताकुकोट माई भगवती जस्ता सांस्कृतिक र ऐतिहासिक महत्व बोकेका स्थलहरुले सिंगारिएको पवित्र भूमि यस गाउँपालिकाको चिनारी हो । 

बहुउद्देश्य सभाहल निर्माण हुँदै 
गाउँपालिका भवन नजिकै अर्को बहुउद्देश्य सभा हल पनि निर्माण भइरहेको छ । महिला र पुरुष चेन्जिङ रुम, शौचालय र एक सय १० जना अट्न सक्ने क्षमताको सभाहल निर्माण भइरहेको उनले बताए ।  उनका अनुसार माघ मसान्तसम्म भवन निर्माण कार्य सकिने बताएईको छ ।

*हेडलाइन परिवर्तन गरिएको

प्रतिक्रिया [0]

पुरा नाम: *

इमेल: *

प्रतिकृया: *
पठाउनुहोस