उत्तम ओझा
काठमाडौं । २०७९ माघ १ गते । देशभर माघे संक्रान्तिको रौनक थियो । नदी/ त्रिवेणीमा बिहान मान्छेको भिड थियो । कोही स्नान गर्दै थिए त कोही घर फर्किँदै । कोही भने घरमै चाकु, तिलको लड्डुलगायत परिकार खाँदै थिए । माघे संक्रान्तिको दिन नदी/त्रिवेणीमा स्नान गर्ने र चाकु तथा तिलको लड्डु खाने हिन्दू परम्परा छ ।
म भने आफ्नो नित्यकर्म सकेर बिहान साढे ९ बजे कार्यालय www.abhiyandaily.com पुगेर समाचार सम्पादनको काममा लागिसकेको थिएँ । काम थालेको करिब साढे १ घण्टापछि (बिहान ११ बजे) पोखरा बस्ने साथी दिवस बोहराले मेरो ह्वाट्सएप नम्बरमा कल गर्नुभयो । फोन उठाएँ । ‘यती एयरलाइन्सको विमान दुर्घटना भयो...।’ उहाँको कुरा सुनेर म झसंग भएँ । माघे संक्रान्तिको दिन दुर्घटनाको खबरले दुःखी बनायो । ‘ओहो ! बिहान बिहानै कस्तो समाचार सुन्नुपर्यो । कसैको मृत्युको खबरचाहिँ सुन्न नपरोस्, भगवान !’ मैले मनमनै भगवानसँग प्रार्थना गरें ।
दुर्घटनाको खबर थाहा पाएपछि मेरो अर्काे जिम्मेवारी थियो– समाचार सम्प्रेषण गर्ने । त्यो दायित्वको बोध थियो मलाई । अनि म लागे दुर्घटनाको सूचना पुष्टि गर्न । यसका लागि मलाई दिवसजीले नै सहयोग गर्नुभयो । उहाँले दुर्घटना हुँदै गर्दाको भिडियो पनि पठाइदिनुभयो ।
उहाँले यात्राबारेको आफ्नो युट्युब च्यानलका लागि भिडियो खिच्नुभएको थियो । उक्त भिडियो खिचेको ५ सेकेण्डमै विमान दुर्घटनामा परेको थियो । उहाँले खिच्नुभएको १० सेकेण्डको भिडियोको ५ सेकण्डमै विमान दुर्घटनामा परेको देख्न सकिन्छ ।
यसपछि म लागे सरकारी निकायबाट दुर्घटनाको सूचना पुष्टि गर्न । यती एयरलाइन्सका प्रवक्ता सुदर्शन बर्ताैलाको मोबाइलमा सम्पर्क गर्ने प्रयास गरें । तर, फोन रिसिभ भएन । जिल्ला प्रहरी कार्यालय, कास्कीका प्रवक्ताको मोबाइलमा पनि सम्पर्क गर्ने प्रयास गरें । उहाँसँग पनि सम्पर्क भएन । अन्ततः जिल्ला प्रहरी कार्यालय, कास्कीबाट दुर्घटना भएको पुष्टि भयो । तर, क्षतिबारे स्पष्ट जानकारी आएन ।
अनि समाचार ब्रेक गरियो–पोखरा विमानस्थल नजिकै सेती खोंचमा यति एयरलाइन्सको विमान दुर्घटना (ब्रेकिङ) । यो समाचार पहिलोपटक ब्रेक गर्ने www.abhiyandaily.com नै थियो । समाचारमा ब्रेकिङ लेख्नुअघि कार्यालयमा रहेका सहकर्मी अनन्त्य सुन्दरजीलाई अरु मिडियामा समाचार नआएको कन्फर्म गरिदिन आग्रह गरें । उहाँले देशका नाम चलेका सबै न्युज एजेन्सीको साइटमा उक्त समाचार नआएको बताउनु भएपछि हामीले समाचारमा ‘ब्रेकिङ’ लेखेका थियौं । अर्थात् हामीभन्दा अघि उक्त समाचार कसैले ब्रेक गरेको थिएन ।
समाचार ब्रेकपछि पनि हामीले दुर्घटनाबारेको निरन्तर अपडेटका लागि जिल्ला प्रहरी कार्यालय, कास्कीका प्रमुख/प्रवक्ता र यती एयरलाइन्सका प्रवक्तासँग सम्पर्कको प्रयास गर्याैं । पछि यती एयरलाइन्सका प्रवक्ता सुदर्शन बर्ताैलाले भने फोन रिसिभ गर्नुभयो । र, उहाँसँग दुर्घटनाबारे कुराकानीसमेत भयो ।
०००
चालक दलका ४ जना सदस्यसहित ७२ जना सवार रहेको यती एयरलाइन्सको नाइन एन–एएनसी कलसाइन रहेकाे एटीआर ७२ विमान दुर्घटनामा परी ६७ जनाको मृत्यु भएको पुष्टि भएको जिल्ला प्रहरी कार्यालय, कास्कीले जनाएको छ । सरकारले उक्त दुर्घटनाको शोक मनाउन सोमवार (आज) बिदा दिएको छ । ज्यान गुमाउनेहरूप्रति हार्दिक श्रद्धाञ्जली !
छोटो समयमै, सुनेको कुरामा मात्र भर नपरी,सरोकारवाला पक्षसँग समाचार संकलन र पुस्टी गरेर समाचार प्रेसण गर्नुभएको रहेछ। सहि समाचार दिन गर्नु पर्ने मिहिनेत/कसरतको लागी धेरै धेरै धन्यवाद।
पेट्रोल–डिजेलको मूल्य घट्यो
‘ग्लोबल रिच अष्ट्रेलियन एजुकेसन फेयर’ माघ ५ बाट, अष्ट्रेलियाका २५ बढी युनिभर्सिटीका प्रतिनिधि आउने
जलविद्युत कम्पनीका शेयरमा लगानीकर्ताको आकर्षण, एक महीनामा १९.६४ % बढ्यो परिसूचक
माघे सङ्क्रान्तिको दिन टुँडिखेलमा भीडमा च्यापिएर ११ जना घाइते
लक्ष्मी सन्राइज बैंकको २३औं साधारण सभा
बाटोले विकासको सम्भावना खुलेको छ : अर्थमन्त्री डा. महत
३८ करोडले घट्यो चिया निकासी
पाँच महीनामा निर्जीवन बीमा कम्पनीले आर्जन गरे १५ अर्ब ७२ करोडभन्दा बढी बीमाशुल्क
कृषिमा लगानीको तयारी गर्दै भाटभटेनी
नृसिंहधाम, जहाँ बन्नेछ नेपालको पहिलो पानीमुनिको मन्दिर ! [तस्वीरहरू]
विद्युतीय तार भूमिगत : साढे २ वर्षमा सक्नुपर्ने काम ४ वर्षमा पनि सकिएन