सूर्यप्रसाद अधिकारी
चितवन । गैंडाकोटस्थित नारायणी नदी किनारमा १४ करोड लगानीमा रिसोर्ट सञ्चालनमा आएको छ । गैंडाकोट नगरपालिका वडा नम्बर ५ कुसुमघाट स्थित नारायणी नदी किनारमा नारायणी बीच (Beach) एड्भेञ्चर (Adventure) रिसोर्ट प्रालि सञ्चालनमा आएको हो ।
मंगलवार एक समारोहबीच रिसोर्टको औपचारिक रुपमा उद्घाटन भएको छ । पर्यटकलाई जलपर्यटनको (Water Tourism) गतिविधि र खेललाई आकर्षण र प्रर्वद्धन गर्ने उद्धेश्यसहित रिसोर्ट सञ्चालनमा ल्याईएको हो । सिन्धुपाल्चोकको सुकुटे बीच रिसोर्ट, गोर्खाको गोर्खा बीच रिसोर्ट पछि गैंडाकोटमा यो रिसोर्ट सञ्चालनमा ल्याइएको सञ्चालक महेन्द्रसिंह थापाले बताए ।
‘नेपालमा जलपर्यटनको उत्तिकै संभावना छ, यसलाई साहसिक खेल र मनोरञ्जन दुबै दिन सकिन्छ ।’ थापाले भने । पछिल्लो समय जल गतिविधिमा आन्तरिक तथा बाह्य पर्यटकको आकर्षण बढ्दै गएकोले आफूले गैंडाकोटमा रिसोर्ट सञ्चालनमा ल्याएको उनको भनाइ छ । रिसोर्ट ६ कठ्ठा क्षेत्रफलमा फैलिएको छ । यहांँ २१ ओटा डिलक्स रुम, दुईओटा स्वीमिङ्ग पुल, स्नुकर पुल लगायत संरचना छन ।
पर्यटकलाई अग्र्यानिक स्वादको साथमा नारायणी तथा निकुञ्जको दृश्यावलोकन गर्न पनि रिसोर्टको अवधारणा ल्याइएको थापाले बताए । १४ करोड लगानी भइसकेको यो रिसोर्टमा थप ६ करोड लगानी गर्ने लक्ष्य लिइएको उनको भनाइ छ । ‘मैले रिसोर्टको संरचनाको सबै काम सकें अब वाटर एक्टीभिटीजमा आक्रामक रुपले लाग्छु ।’ थापाले भने । हाल रिसोर्टमा साना र ठूला क्षमताको गरी पांँचओटा मोटरबोट (Motorboat) संञ्चालनमा ल्याइएका छन । यो मोटरबोटबाट देवघाटसम्म पर्यटकहरुलाई घुमाउने गरिएको र भविष्यमा मुग्लिनसम्म जलयात्रा गरिने उनले बताए । जलपर्यटनमा पर्यटकलाई आकर्षण गर्न अत्यधुनिक प्रविधिको ‘जेटस्की’ ल्याउन लागिएको छ ।
‘दुईजना मात्र चढ्ने ‘जेटस्की’ ल्याउंँने तयारीमा छु' थापाले भने, यो जेटको भित्र इन्जिन हुन्छ बढी सुरक्षित पनि छ ।’ स्वदेशमै थाईल्याण्डको पटाया सिटी र इन्डोनेशियाको बालीको अनुभूत हुने गरी आफूले थप जल गतिविधिका प्रविधि भित्र्याउंँदै जाने उनले बताए । ‘नेपालीलाई स्वदेशमै विदेशको अनुभव पनि होस, देशको पैसा बाहिर पनि नजाओस भन्ने मेरो उद्धेश्य हो।’ थापा भन्छन ।
चितवनको सौराहा, मेघौली र देवघाट क्षेत्रमा घुम्न आउने पर्यटनले यस वरिपरि अन्य क्षेत्रमा पनि घुम्ने चाहना राख्ने भएकोले नारायणी किनारमा अवस्थित गैंडाकोट क्षेत्रको पर्यटनलाई विकास गर्न सकिने सम्भावना आफूले देखेको सञ्चालक थापाले बताए । चार दशक भन्दा अघि पर्यटन क्षेत्रमा होमिएका थापा र्याफ्टिङ र ट्रेकिङको अनुभवबाट २०५२ सालबाट सुकुटे रिसोर्ट (Sukute Resort) सञ्चालनमा ल्याएका थिए ।
पेट्रोल–डिजेलको मूल्य घट्यो
‘ग्लोबल रिच अष्ट्रेलियन एजुकेसन फेयर’ माघ ५ बाट, अष्ट्रेलियाका २५ बढी युनिभर्सिटीका प्रतिनिधि आउने
जलविद्युत कम्पनीका शेयरमा लगानीकर्ताको आकर्षण, एक महीनामा १९.६४ % बढ्यो परिसूचक
माघे सङ्क्रान्तिको दिन टुँडिखेलमा भीडमा च्यापिएर ११ जना घाइते
लक्ष्मी सन्राइज बैंकको २३औं साधारण सभा
बाटोले विकासको सम्भावना खुलेको छ : अर्थमन्त्री डा. महत
३८ करोडले घट्यो चिया निकासी
पाँच महीनामा निर्जीवन बीमा कम्पनीले आर्जन गरे १५ अर्ब ७२ करोडभन्दा बढी बीमाशुल्क
कृषिमा लगानीको तयारी गर्दै भाटभटेनी
नृसिंहधाम, जहाँ बन्नेछ नेपालको पहिलो पानीमुनिको मन्दिर ! [तस्वीरहरू]
विद्युतीय तार भूमिगत : साढे २ वर्षमा सक्नुपर्ने काम ४ वर्षमा पनि सकिएन