नेपाल एसबिआई बैंकका कर्मचारीको सुरक्षा सचेतना प्रतिज्ञा

अभियान संवाददाता

काठमाडौं। ‘कम्प्युटर सुरक्षा दिवस’को अवसरमा नेपाल एसबिआई बैंक लिमिटेडका कर्मचारीले सुरक्षा सचेतना फैलाउने प्रतिज्ञा गरेका छन् । कर्मचारीहरूले बैंकको नीतिअनुरूप कम्प्युटर सुरक्षामा सजग, सचेत र अपडेट रहने र कार्यस्थल तथा कर्मचारीमा सुरक्षा सचेतना फैलाउने प्रतिज्ञा गरेका हुन् ।

बैंकका प्रबन्ध सञ्चालक तथा प्रमुख कार्यकारी अधिकृत दीपक कुमार देले नायब प्रमुख कार्यकारी अधिकृत तथा प्रमुख वित्तीय अधिकृत राजेशकुमार पण्डा, प्रमुख सञ्चालन अधिकृत यादवेन्द्र कान्त र अन्य उच्च पदाधिकारीको उपस्थितिमा बैंकका सम्पूर्ण कर्मचारीलाई उक्त प्रतिज्ञा गराएका हुन् । सन् १९८८ देखि विश्वभर कम्प्युटरसम्बन्धी सुरक्षा चासो जगाउने उद्देश्यले नोभेम्बर ३० लाई ‘कम्प्युटर सुरक्षा दिवस’को रूपमा मनाइँदै आएको छ ।

प्रतिक्रिया [0]