घर निर्माणमा नि:शुल्क परामर्श दिँदै स्किल सेवा

अभियान संवाददाता

काठमाडौं। स्किल सेवाले घर निर्माण सम्बन्धी नि:शुल्क प्राविधिक परामर्श कार्यक्रम सञ्चालन गर्दै आएको जानकारी दिएको छ । तीन शाखामार्फत विगत ५ वर्षदेखि घर र घरका समस्याको पहिचान र समाधानमा काम गर्दै आएको कम्पनीले जानकारी दिएको छ ।

कम्पनीले घर निर्माणसँग सम्बन्धित जग्गा छनोट, नक्सा स्वीकृति, सामग्री छनोट, निर्माण सामग्रीको गुणस्तर, आवश्यक कागजात र प्रक्रियाबारे नि:शुल्क सुझाव प्रदान गर्दै आएको जानकारी दिएको छ । कार्यक्रम हरेक शनिवार बिहान ८ देखि ४ बजेसम्म कम्पनीको प्रमुख कार्यालयमा भइरहेको कम्पनीका प्रमुख कार्यकारी अधिकृत रमेश तिमिल्सिनाले जानकारी दिए । कम्पनीले पोखरा, चितवन र बुटवल जस्ता ठूला शहरमा काम गर्दै आएको बताइएको छ ।

प्रतिक्रिया [0]