रुसी सेनामा नेपाली नागरिकको संलग्नता अध्ययन गर्न समिति

अभियान संवाददाता

काठमाडौं। नेपाली नागरिकको रुसी सेनामा संलग्नताबारे अध्ययन गर्न श्रम रोजगार तथा समाजिक सुरक्षा मन्त्रालयले समिति गठन गरेको छ । केही दिनअघि रुस–युक्रेन युद्धमा चार नेपाली नागरिकको मृत्यु भएपछि रुसी सेनामा नेपाली युवा कसरी पुगे भन्ने विषयमा छलफल शुरू भएको थियो । सोही अन्योल अन्त्य गर्न मन्त्रालयले सुझावसहितको प्रतिवदेन पेश गर्ने गरी समिति गठन गरेको मन्त्रालयका सह–सचिव राजीव पोखरेलले बताए । यद्यपि रुसी सेनामा भर्ना भएका नेपालीले भिजिट र विद्यार्थी भिसा प्रयोग गरेको चर्चा चल्दै आएको छ । मन्त्रालयका उपसचिव दीपक ढकालको संयोजकत्वमा तीनसदस्यीय समिति गठन गरिएको मन्त्रालयले बताएको छ । समितिले सुझावसहितको प्रतिवेदन पेश गर्न १५ दिनको समय पाएको छ । 

प्रतिक्रिया [0]