कोशीका विनाविभागीय तीन मन्त्रीले पाए जिम्मेवारी

अभियान संवाददाता

विराटनगर। कोशी प्रदेशका विनाविभागीय तीन मन्त्रीले आइतवार मन्त्रालयको जिम्मेवारी पाएका छन् । मुख्यमन्त्री केदार कार्कीले मन्त्रीमण्डलका तीन विनाविभागीय मन्त्रीहरूको कार्यविभाजन गरेर मन्त्रालयको जिम्मेवारी दिएका छन् । सरकार गठनको डेढ महीनापछि मुख्यमन्त्री कार्कीले आइतवार मन्त्रीहरूको कार्यविभाजन गरेका हुन् । अन्य मन्त्री थप गर्ने विषयमा भने सरकार अघि बढ्न सकेको छैन ।

कार्कीले नेपाली कांग्रेसका शम्शेर राईलाई आन्तरिक मामिला तथा कानून मन्त्रालयको जिम्मेवारी तोकेका छन् । त्यसैगरी नेकपा माओवादी केन्द्रका गणेशप्रसाद उप्रेतीलाई पर्यटन, वन तथा वातावरण मन्त्रालय र एकीकृत समाजवादीका कमलप्रसाद जवेगुलाई भौतिक पूर्वाधार विकास मन्त्रालयको जिम्मेवारी तोकेका हुन् ।

मुख्यमन्त्री कार्कीको नेतृत्वमा अझै पाँचओटा मन्त्रालय छन् । एमाले सरकारबाट बाहिरिएकाले उनलाई मन्त्रीमण्डल विस्तारमा अप्ठ्यारो भने छैन । आर्थिक मामिला तथा योजना मन्त्रालय, उद्योग, कृषि तथा सहकारी मन्त्रालय, खानेपानी, सिँचाइ तथा ऊर्जा मन्त्रालय, सामाजिक विकास मन्त्रालय र स्वास्थ्य मन्त्रालयको जिम्मेवारीमा मुख्यकार्की नै छन् ।

प्रतिक्रिया [0]