'बिजचित्र फोटोग्राफी' प्रतियोगिताका विजेताहरू घोषणा

अभियान संवाददाता

काठमाडौं । यस वर्षको फोटोग्राफी दिवसका दिन घोषणा भएको ‘बिजचित्र फोटोग्राफी प्रतियोगिता’ को विजेताहरू सोमवार घोषणा गरिएको छ । 

प्रतियोगिताको अभिषेक महर्जन प्रथम भए, उनले प्रमाणपत्र तथा २० हजार रुपैयाँ प्राप्त गरे । प्रतियोगिताको शंकर भूजेल दोस्रो भए । उनले प्रमाणपत्र तथा १५ हजार रुपैयाँ पाए । यस्तै प्रतियोगितामा नारायण महर्जन तेस्रो भए । उनले प्रमाणपत्र तथा १० हजार रुपैयाँ पुरस्कार पाए । पब्लिक च्वाइस अवार्डमा भने गणेश रिजालले हात पारे । उनले प्रमाणपत्र तथा ५ हजार रुपैयाँ गरे ।

महालक्ष्मी विकास बैंकको आयोजनामा भएको उक्त प्रतियोगितामा करीब ४० जना नेपाली फोटोग्राफरहरू सहभागी भएका थिए । उनीहरूले प्रतियोगितामा सहभागी हुनका लागि स्थानीय साना तथा मझौला व्यापारहरू झल्कने १५० भन्दा बढी फोटोहरू पठाएका थिए । तीमध्येबाट १५ उत्कृष्ट तस्वीरहरू छानिएको थियो ।

बैंकका कर्पोरेट कम्युनिकेशन हेड वसन्त बक्सीले प्रतियोगितामा समावेश सबै फोटोहरू उत्कृष्ट तथा स्थानीय तहमा सञ्चालित व्यवसायले सकारात्मक सन्देश प्रदान गरेको बताए । उनले उत्कृष्ट १५ तस्वीरहरूलाई बैंकको आउँदो क्यालेण्डरमा समावेश गर्ने जानकारी दिए ।

कार्यक्रममा बैंकको तर्फबाट उत्कृष्ट १५ फोटोग्राफरहरूलाई प्रमाणपत्र तथा गिफ्ट ह्याम्पर प्रदान गरिएको थियो । प्रतियोगिताको मूल्यांकनका लागि ३ सदस्यीय जुरीअन्तर्गत बैंकका कर्पोरेट कम्युनिकेशन हेड बक्सी, भर्टिकल ३६० एड्भर्टिज्मेण्ट प्रालिका क्रियटिभ डाइरेक्टर उल्लास मक्राती र न्यु बिजनेश एज प्रालिका फोटो पत्रकार सुनिल शर्मा रहेका थिए ।

प्रतियोगितामा उत्कृष्ठ ३ र पब्लिक च्वाइस अवार्ड पाउने तस्वीरहरू

प्रतियोगितामा प्रथम भएको तस्वीर ।

प्रतियोगितामा दोस्रो भएको तस्वीर ।

प्रतियोगितामा तेस्रो भएको तस्वीर ।

प्रतियोगितामा पब्लिक च्वाइस अवार्ड पाएको तस्वीर । 

प्रतिक्रिया [0]