समृद्धि फाइनान्सको वित्तीय साक्षरता कार्यक्रम 

अभियान संवाददाता

काठमाडौं। समृद्धि फाइनान्स कम्पनी लिमिटेडले बिहीवार र शुक्रवार जनकपुर र इटहरी शाखामार्फत वित्तीय साक्षरता कार्यक्रम सम्पन्न गरेको छ । संस्थाले मासिक रूपमा सम्पन्न गर्ने संस्थागत सामाजिक उत्तरदायित्व अन्तर्गत मङ्सिर महीनाका लागि तय भएको सो कार्यक्रम गरेको हो । विद्यार्थीमा वित्तीय चेतना अभिवृद्धि गर्ने उद्देश्यले जनकपुर शाखाले राजर्षि जनक क्याम्पस, जनकपुरका ७५ जना र इटहरी शाखाले ज्योति माध्यमिक विद्यालय इटहरी–५ का ५० जना विद्यार्थीलाई वित्तीय साक्षरतासम्बन्धी जानकारी दिएको हो । संस्थाले हाल १३ ओटा शाखामार्फत आरटीजीएस, आइपीएस, कनेक्ट आइपीएस, रेमिटान्स, क्लियरिङ, डेबिट कार्ड, क्यूआर कोड जस्ता सेवा दिँदै आएको बताइएको छ ।

प्रतिक्रिया [0]