प्याजको आगमनसँगै मूल्य पनि बढ्यो, एक महीनामा आगमन ३७ प्रतिशत बढ्दा भाउ ४३ प्रतिशत वृद्धि

अभियान संवाददाता

काठमाडौं । पछिल्लो एक महीनामा सुकेको प्याज [भारतीय]को मूल्य ४३ प्रतिशतले बढेको छ ।

कालीमाटी फलफूल तथा तरकारी बजार विकास समितिका अनुसार कात्तिकको तुलनामा मंसिरमा सुकेको प्याजको मूल्य ४३.५९ प्रतिशतले बढेको छ ।

गत कात्तिकमा प्रतिकिलो औसत ९७ रुपैयाँमा विक्री भएको सुकेको प्याज आज प्रतिकिलो औसत १४० रुपैयाँमा विक्री भइरहेको छ । यस्तै सुकेको प्याजको आगमन पनि पछिल्लो एक महीनामा ३७ प्रतिशतले बढेको समितिले जनाएको छ ।

एक महीनाअघि ५४ हजार ६०० किलो सुकेको प्याजको कालीमाटी बजार भित्रिएको थियो भने अहिले ७५ हजार १२१ किलोग्राम सुकेको प्याज भित्रिएको समितिले जनाएको छ ।

एक महीनामा कुन तरकारीको मूल्य घट्यो, कुनको बढ्यो ?

प्रतिक्रिया [0]