आर्थिक मन्दीको असर, पर्साका १७७ उद्योग बन्द

अभियान संवाददाता

वीरगञ्ज (पर्सा) । आर्थिक मन्दीका कारण पर्सामा आर्थिक वर्ष २०७९/८० मा १७७ उद्योग बन्द भएका छन् । घरेलु तथा साना उद्योग कार्यायलका अनुसार आर्थिक वर्ष २०७९/८० मा १७७ उद्योगले लगत कट्टा गराएका छन् । आव २०७८/७९ मा पर्सामा १५२ उद्योगले लगत कट्टा गरिएका थिए । बैंक तथा वित्तीय संस्थाबाट ऋण लगानी नहुनु, पुँजीको अभावलगायत कारणले उद्योगहरुको धमाधम बन्द भएका घरेलु तथा साना उद्योग कार्यालय प्रमुख धनञ्जयकुमार सिंहले बताए । 

घरेलु तथा साना उद्योग कार्यालयमा आर्थिक वर्ष २०७९/८० मा १ हजार ८९ नयाँ उद्योग दर्ता भएका थिए भने आव २०७८/८९ मा १ हजार ४८० उद्योग दर्ता भएका थिए ।

आव २०७९/८० मा १ हजार २७५ उद्योगको नवीकरण, १६५ वटाको पुँजीवृद्धि, ३३ वटाको ठाउँसारी र ८४ वटाको नामसारी भएको सो कार्यालय जनाएको छ । आर्थिक बर्ष २०७९/८० मा रु. १ करोड ६ लाख ३९ हजार २५० राजस्व संकलन भएको थियो ।     
उक्त आवमा ४ हजार ४६० जनाले रोजगारी पाएको प्रमुख सिंहले बताए । 

प्रतिक्रिया [0]