एक महिनामा मुलाको मूल्य ५३ प्रतिशतले घट्यो

अभियान संवाददाता

काठमाडौं । गएको एक महिनामा रातो मुलाको मूल्य ५३ प्रतिशतले घटेको छ । 

कालीमाटी फलफूल तथा तरकारी बजार विकास समितिका अनुसार एक महिनाको अवधिमा रातो मुलाको मूल्य ५३ प्रतिशतले,  सेतो मूल्य लोकल ३५ प्रतिशतले र सेतो मुला हाइब्रिड ३८ प्रतिशतले घटेको छ ।

जाडोको मौसममा मुलाको उतपादन बढ्ने हुनाले मुलाको मूल्य घटेको व्यापारीहरु बताउँछन्। मंसिर १ गते रातो मुला प्रतिकिलो ३८ रुपैयाँ रहेकोमा आज १७ रुपैयाँ प्रतिकिलो रहेको छ । यस्तै,मुला सेतो लोकल गत महिनामा १९ रुपैयाँ प्रतिकिलो रहेकोमा अहिले घटेर १२ रुपैयाँमा झरेको छ ।

त्यसैगरी, सेतो मुला हाइब्रिड गत महिनामा २० रुपैयाँ प्रतिकिलो विक्री भएको थियो भने आज  १२ रुपैयाँ विक्री भइरहेको कालीमाटी तरकारी बजारले जनाएको छ ।
एक महिनामा कुन कुन तरकारीको मूल्य घट्यो, कुन कुन को बढ्यो?

प्रतिक्रिया [0]