षडानन्द राष्ट्रिय तथा क्षेत्रीय पुरस्कार वितरण

अभियान संवाददाता

काठमाडौं। यस वर्षको षडानन्द राष्ट्रिय पुरस्कार र षडानन्द क्षेत्रीय पुरस्कार वितरण गरिएको छ । आबाल ब्रह्मचारी षडानन्दको १८९औं जन्मजयन्ती एवम् प्रतिष्ठानको १६औं वार्षिकोत्सवको अवसरमा आइतवार काठमाडौंमा आयोजित कार्यक्रम उक्त पुरस्कार वितरण गरिएको हो । 

प्रतिष्ठानद्वारा स्थापित षडानन्द राष्ट्रिय पुरस्कार पूर्वीय दर्शन, योगशास्त्र, तन्त्रशास्त्रका ज्ञाता तथा साधक प्रा. विद्यानाथ उपाध्याय भट्टलाई प्रदान गरिएको छ । यसैगरी डण्डपाणि–युवा कुमारी चापागाईंको स्मृतिमा स्थापित षडानन्द क्षेत्रीय पुरस्कार वरिष्ठ साहित्यकार परशु प्रधानलाई प्रदान गरिएको छ । 

कार्यक्रममा प्रतिष्ठानका दाताहरूलाई समेत सम्मान गरिएको प्रतिष्ठानका सचिव प्राडा. बद्रिविशाल भट्टराईले जानकारी दिए । कार्यक्रम वरिष्ठ संस्कृतिविद् एवं नेपाल प्रज्ञा प्रतिष्ठानका पूर्वउपकुलपति डा. जगमान गुरुङको प्रमुख आतिथ्यमा सम्पन्न भएको थियो ।

प्रतिक्रिया [0]