सर्वोच्च अदालतमा ६ न्यायाधीश नियुक्त 

अभियान संवाददाता

काठमाडौं। राष्ट्रपति रामचन्द्र पौडेलले सर्वोच्च अदालतमा ६ जना न्यायाधीश नियुक्त गर्नुभएको छ । राष्ट्रपति पौडेलले बुधवार नेपालको संविधानको धारा १२९ को उपधारा (२) बमोजिम न्याय परिषद्को सिफारिसमा ६ जना न्यायाधीशलाई नियुक्त गर्नुभएको हो । सर्वोच्चमा नियुक्त भएका न्यायाधीशहरूमा सारंगा सुवेदी, अब्दुल अजिज मुसलमान, महेश शर्मा पौडेल, टेकप्रसाद ढुंगाना, सुनिल पोखरेल र बालकृष्ण ढकाल छन् । नवनियुक्त न्यायाधीशहरूमध्ये सुवेदी, मुलसमान, शर्मा र ढुंगाना उच्च अदालतमा कार्यरत थिए भने पोखरेल र ढकाल वरिष्ठ अधिवक्ता थिए । यसअघि बुधवार नै संसदीय सुनुवाइ समितिले उनीहरूको नाम सर्वोच्चको न्यायाधीशका लागि अनुमोदन गरेको थियो । 

प्रतिक्रिया [0]