जलेश्वर भन्सारको राजस्व रू. १ अर्बभन्दा बढी संकलन

अभियान संवाददाता

जनकपुरधाम। जलेश्वर भन्सार कार्यालयले चालू आर्थिक वर्ष २०८०/८१ को कात्तिक मसान्तसम्ममा रू. १ अर्ब १८ करोड ११ लाख रुपैयाँ राजस्व संकलन गरेको छ । कार्यालयले चालू आर्थिक वर्षमा ३ अर्ब ७६ करोड २३ लाख राजस्व संकलनको लक्ष्य पाएको कार्यालय प्रमुख अमित पौडेलले बताए । गत कात्तिकसम्ममा कार्यालयले पेट्रोलबाट सबैभन्दा धेरै रू. ५६ करोड २२ लाख १४ हजार राजस्व उठाएको छ । कार्यालयका अनुसार गत आर्थिक वर्षको सोही अवधिमा पेट्रोलबाट रू. ३७ करोड ९५ लाख ७६ हजार राजस्व असुली भएको थियो । सरकारले जलेश्वर नाकाबाट धान आयात बन्द गरेको र आलुमा भ्याट लगाएकाले ती वस्तुको आयातबाट हुने राजस्व प्रभावित भएको कार्यालय प्रमुख पौडेलले बताए ।

प्रतिक्रिया [0]