‘हुन्डाई न्यू एयर डिलाइट २०२४’ योजना

अभियान संवाददाता

काठमाडौं। हुन्डाई अटोमोबाइल्सको आधिकारिक विक्रेता लक्ष्मी इन्टरकन्टिनेन्टलले ‘हुण्डाई न्यू एयर डिलाइट २०२४’ योजना ल्याएको छ । यो योजना गत सोमवारदेखि नेपालभरका शोरुममा लागू हुने बताइएको छ । 

यस योजनाअन्तर्गत ग्राहकले ५ लाख रुपैयाँसम्मको नगद छूट, विद्युतीय गाडीको खरीद गर्दा प्रोत्साहन स्वरूप ५० हजार रुपैयाँसम्मको ‘गो–ग्रीन’ बोनसका साथै गाडीको मोडल एयरको आधारमा ५ लाख रुपैयाँसम्मको छूट प्राप्त गर्ने बताइएको छ । यसैगरी गाडी खरीदमा एक वर्षसम्मको निस्शुल्क बीमा तथा सवारी कर र तुरुन्तै मूल्यांकन तथा एक्सचेन्ज सुविधा पाइने कम्पनीले जानकारी दिएको छ ।

सबै हुन्डाई आईसीई गाडीमा तीन वर्ष वारेन्टी, ६ वर्षको निस्शुल्क सर्भिसिङ र ईभी गाडीको ब्याट्रीमा आठ वर्ष र मोटरमा दुई वर्ष वारेन्टी उपलब्ध हुने बताइएको छ । यस स्किमबाट हुन्डाईको कुनै पनि ह्याचब्याक, कम्प्याक्ट एसयूभी, एसयूभी तथा ईभी गाडी खरीद गरी फाइदा लिन सकिनेछ ।

प्रतिक्रिया [0]