सिमरा मालपोत कार्यालयद्वारा ४६ करोडभन्दा बढी राजस्व संकलन

भदौ २०, बारा । मालपोत कार्यालय सिमरा बाराले गत आर्थिक वर्षमा रू. ४६ करोड ३९ लाख ४३ हजार ९०० राजस्व संकलन गरेको छ । 

तीमध्ये घरजग्गा रजिष्ट्रेशन शुल्कबापत रू. २८ करोड ५३ लाख ८६ हजार, पूँजीगत लाभ करबापत १४ करोड ४७ लाख, रोक्का शुल्कबापत रू. तीन करोड ५९ लाख ७९ हजार, सेवा शुल्कबापत रू. १४ लाख ९००, विविध शुल्कबापत ११ लाख दुई हजार र पूँजी विक्री शुल्कबापत रू. २९ हजार संकलन भएको कार्यालयले जानकारी दिएको छ । 

कार्यालयअन्तर्गत पिपरा सिमरा, भवानीपुर जीतपुर, छातापिपरा, रामपुर टोकनी, लिपनीमाल, बुनियाद, फत्तेपुर, डुमरवाना, मनहर्वा र इनर्वासिरा गाउँ  विकास समिति रहेको बताइएको छ । रासस

प्रतिक्रिया [0]