लाखौं रुपैयाँको कपडा र चिनी भन्सार चलान 

अभियान संवाददाता

पुस ३, वीरगञ्ज  । प्रहरीले वीरगञ्जका विभिन्न स्थानबाट भन्सार छलेर भित्रिएको चिनी र कपडा बरामद गरेको छ । 

जिल्ला प्रहरी कार्यालय पर्साका सूचना अधिकारी प्रहरी नायव उपरीक्षक ओमप्रकाश खनालका अनुसार शुक्रवार वीरगञ्जको इनर्वा गाउँ, नगवा र छपकैयाबाट करीब ९ लाख १७ हजार रुपैयाँबराबरको ती सामान नियन्त्रणमा लिइएको हो । 

अवैध रूपमा भन्सार छली ओसार पसार गर्दै गरेको अवस्थामा ठूलो परिमाणमा कपडा र चिनी नियन्त्रणमा लिइएको प्रहरीले बताएको छ ।  नियन्त्रणमा लिइएको चिनी र कपडा आवश्यक कारवाहीको लागि शुक्रवार नै वीरगञ्ज भन्सार कार्यालयमा बुझाइएको प्रहरीले बताएको छ । 

प्रतिक्रिया [0]