निम्बस ग्रूपका अध्यक्ष जगदीशप्रसाद अग्रवाल सम्मानित 

अभियान संवाददाता

वैशाख ३, वीरगञ्ज  । निम्बस ग्रूपका अध्यक्ष एवम् विश्लेषक जगदीशप्रसाद अग्रवाल राजबहादुर चिपालु मेमोरियल अवार्डद्वारा सम्मानित भएका छन् । 

नेपाल चेम्बर अफ कमर्सले अग्रवाललाई सो सम्मान प्रदान गरेको हो । चेम्बरको ७१ औं वार्षिक साधारण सभाको अवसरमा सभामुख अग्निप्रसाद सापकोटाले अग्रवाललाई सम्मान हस्तान्तरण गरे । 

कृषिमा आधारित उद्योगको उत्पादकत्व वृद्धि तथा प्रवर्द्धनमा पुर्‍याएको योगदानका लागि सो सम्मान दिइएको चेम्बरले बताएको छ । 

अग्रवालले नेतृत्व गरेको निम्बस ग्रूप विगत लामो समयदेखि कृषिजन्य उद्योगमा अग्रणी रहँदै आएको छ । अग्रवालले समसामयिक राजनीतिक सरोकारका क्षेत्रमा कलमसमेत चलाउँदै आएका छन् । 

प्रतिक्रिया [0]