एसबिआई बैंक चन्द्रपुर शाखाद्वारा विद्यालयलाई सामग्री वितरण 

अभियान संवाददाता

वैशाख १५, रौतहट । सामाजिक उत्तरदायित्व कार्यक्रम अन्तर्गत नेपाल एसबिआई बैंक चन्द्रपुर शाखाले बुधवार एक विद्यालयलाई विविध सामग्री दिएको छ । 

बैंकले चन्द्रपुर नगरपालिका वडा नम्बर ८ स्थित सन्तपुरमा रहेको ओम कलेजलाई १० थान सिलिङ पंखा, एक थान स्टेन पंखा र पानी प्रशोधन यन्त्र (आरो मेसिन) दिएको हो । 

नेपाल एसबिआई बैंक चन्द्रपुरका शाखाका प्रबन्धक टिकाराम पटेलले विद्यालयलाई आवश्यक रहेका सामग्री दिएको बताए । स्कुलमा स्रोत र साधनहरुको अति अभाव देखिएकोले विद्यार्थीहरुको सहजताका लागि यी सामग्रीहरु वितरण गरिएको उनको भनाइ छ ।

बैंकले गरेको सहयोग प्रति कलेजका प्रधानाध्यापक गोबिन्द प्रसाद उपाध्यायले अभार व्यक्त गरे । बैंकले शैक्षिक क्षेत्रमा गरेको कार्य प्रशंसनिय रहेको उनको भनाइ छ । नेपाल एसबिआई बैंक चन्द्रपुर शाखाले यसअघि पनि सामाजिक उत्तरदायित्व अन्तर्गत विविध कार्यक्रम गर्दै आएको जानकारी दिएको छ । 

प्रतिक्रिया [0]