दशैं नजिकिएसँगै खसीबोकाको कारोबारमा वृद्धि, एकै दिन ८० लाखको कारोबार

दिनेश गजमेर

असोज ११, धरान । चाडपर्व शुरु भएसँगैै धरानको कृषिउपज बजारमा खसीबोका, भेडा किन्ने उपभोक्ता र बेच्नेको भीड बढेको छ । 

दशैं नजिकिदै गएपछि हप्तै पिच्छे २५ प्रतिशतका दरले खसीबोकाको कारोबारमा वृद्धि भएको छ । नजिकिदै गएको दशैंको अवसरमा गत शुक्रवार ८०० ओटा खसीबोका अनुमानित २० केजीका दरले खरीद विक्री भएको छ । 

धरानस्थित कृषि उपज बजार स्थलका अनुसार करीब प्रतिकेजी रू.५००का दरले ८० लाखको कारोबार भएको छ । अघिल्लो शुक्रबारको तुलनामा २५ प्रतिशतले वृद्धि हुँदै गएको छ । बजार व्यवस्थापक लक्ष्मण भट्टराईका अनुसार अघिल्लो शुक्रवार ५००ओटा खसीबोकाको विक्री भएको थियो ।  

यस वर्ष भदौ महीना सम्ममा १३० मेट्रिक टन ६ हजार ५ ००ओटा खसीबोकाको विक्री हुँदा रू.६ करोड २० लाख को कारोबार भएको छ । अघिल्लो वर्षको भदौ सम्ममा ५ हजार ७०० ओको ११२ मेट्रिक टनको रू.५ करोड ५० लाखको कारोबार भएको थियो । 

अघिल्लो आर्थिक वर्षमा औसत ५६० टन अर्थात् ३० हजार ४००  ओटा खसीबोका विक्री हुँदा रू.२८ करोड ५० लाखको कारोबार भएको थियो । यस वर्ष ५० प्रतिशतले कारोबार वृद्धि हुने अनुमान गरिएको उनको भनाइ छ । 

पूर्वी पहाडी जिल्लाहरू भोजपुर, संखुवासभा, खोटाङ, तेह्रथुम, धनकुटा, उदयपुर, सुनसरीका पशुपालकले विक्रीका लागि धरान स्थित कृषि उपज बजार स्थलमा खसीबोका, भेडा ल्याउने गरेका छन् । 

दशैं मुख्य कारोबार हुने समय भएकाले दुई/ तीन दिन अघि देखिनै बजारमा खसीबोका ल्याउने गरिएको छ । सरकारले भारतीय खसीबोकाको आयातमा कडाई (भेटेरीनरी जाँच व्यवस्था)गरे पश्चात यस वर्षदेखि काठमाडौंमा पनि ठूलो मात्रामा खसीबोका निर्यात भइरहेको छ । 

कोशी पहाडी जिल्लाबाट खसीबोका ल्याउने किसानहरुका लागि बजारमै सःशुल्क बस्ने सुत्ने  व्यवस्था गरिएको छ। खसीबोका राख्न सुरक्षित खोरको व्यवस्था पनि गरिएको छ ।

ढूवानी मैत्रि सवारी साधनको व्यबस्था गर्न नसक्दा कृषकहरुले बजारसम्म पुर्‍याउँदा अनावश्यक कर र समस्या बेहोर्नु पर्ने बाध्यात्मक परिस्थिति भने अझै  हट्न सकेको छैन ।

प्रतिक्रिया [0]

पुरा नाम: *

इमेल: *

प्रतिकृया: *
पठाउनुहोस