जेठ ११ मा बजेट अधिवेशन शुरू गर्ने कर्णाली प्रदेश सरकारको निर्णय

विनोद लम्साल

वैशाख २७, वीरेन्द्रनगर । कर्णाली प्रदेशको वजेट अधिवेशन जेठ ११ गते देखि शुरू हुने भएको छ । शुक्रवार साँझ बसेको मन्त्रिपरिषद् बैठकले कर्णाली प्रदेश सभाको बजेट अधिवेशन आगामी जेठ ११ गतेदेखि बोलाउने निर्णय गरेको हो ।

आर्थिक वर्ष २०७७/ ७८ को नीति तथा कार्यक्रम र बजेट निर्माणको तयारीका लागि सांसदहरुको सुझाव संकलनका लागि बजेट अधिवेशन आह्वान गर्ने निर्णय गरेको प्रदेश सरकारका आर्थिक मामिला तथा योजना मन्त्री प्रकाश ज्वालाले जानकारी दिए ।

कर्णााली प्रदेशले आगामी वर्षका लागि रू. ३५ अर्बको बजेट ल्याउने तयारी गरेको छ । प्रदेश सरकारले असार १ गते बजेट ल्याउनुपर्ने संवैधानिक व्यवस्था रहेको छ । त्यसको एक साताअघि वार्षिक नीति तथा कार्यक्रम ल्याइसक्नुपर्छ ।

नीति तथा कार्यक्रम र बजेटको खाका तयार पार्न सरकारले कर्णालीमा सरकारी कार्यालयहरु सञ्चालनमा गर्दै आएको छ । हालसम्म कोरोना संक्रमित नभेटिएका कारण नीति तथा कार्यक्रम र बजेटको खाका कोर्न दुई साता अघिदेखि नै सरकारी कार्यालय खुला गरिएका छन् । 
 

प्रतिक्रिया [0]