कर्णाली प्रदेशकै पहिलो जडीबुटी प्रशोधन केन्द्रको निर्माण शुरु

भदौ १०, जाजरकोट । कर्णाली प्रदेशकै पहिलो जडीबुटी प्रशोधन केन्द्रको निर्माण शुरु गरिएको छ । 

करीब रू. आठ करोड लगानीमा सरकारी स्वमित्वको प्रशोधन केन्द्रको निर्माण कार्य शुरु गरिएको जडीबुटी उत्पादन तथा प्रशोधन कम्पनी लिमिटेडका महाप्रबन्धक ज्ञानेश्वर कार्कीले जानकारी दिए । 

भेरी नगरपालिका–३ को राताचौरमा निर्माण शुरु गरिएको यो प्रशोधन केन्द्र कर्णाली प्रदेशकै पहिलो रहेको उनले बताए । 

बुधवार भवनको औपचारिकरुपमा पूर्वमन्त्री शक्तिबहादुर बस्नेतले शिलान्यास गरेका हुन् । जडीबुटी तथा पर्यटन र खनिजको राम्रो सम्भावना रहेको कर्णालीमा यो केन्द्र स्थापनासँगै सर्वसाधारण जडीबुटीको बजार घर नजिकै आएको भन्दै खुशी भएका छन् । 

केन्द्रमा एक वर्षमा रू. १० करोड बराबरको कारोबार हुने बताइएको छ । विसं २०७९ जेठ ११ गतेभित्र भवन निर्माण कार्य सम्पन्न गर्ने गरे ज्ञानज्योति बिल्र्डस प्रालि काठमाडौंले निर्माणको जिम्मा लिएको छ । रासस

प्रतिक्रिया [0]