छायानाथ रारामा गएको पहिरोमा परी तीन जनाको मृत्यु, आठ जना बेपत्ता

मुगु । अविरल वर्षापछि आइतबार दिउँसो मुगुको छायानाथ रारा नगरपालिका–११ सालिममा गएको पहिरोमा परेर तीन जनाको मृत्यु भएको छ । त्यस्तै आठ जना बेपत्ता भएका छन् ।

जिल्ला प्रहरी कार्यालय मुगुका अनुसार छायानाथमा पहिरोमा परेर तीन जनाको मृत्यु भएको हो भने आठ जना बेपत्ता भएका छन् । मृतक र बेपत्ता भएकाको पहिचान खुल्न नसकेको प्रहरीले जनाएको छ ।

यस्तै वडा नं ८ मा १० वटा घर पहिरोका कारण भत्किएका छन् । यहाँको पूरै गाउँ पहिरोको उच्च जोखिममा रहेको छ । छायानाथ रारा नगरपालिका–७ टोप्ला गाउँमा पहिरोले घर भत्किँदा २५ भेडासहित लाखौंको धनमाल नष्ट भएको छ । साथै पहिरोको उच्च जोखिम रहेकाले टोप्ला, सिगाडी र घुइर गाउँका अधिकांश बासिन्दा विस्थापित भएका छन् ।  -रासस

प्रतिक्रिया [0]