मजदुरका नाममा कम्पनी खोलेर करोडौं राजस्व ठगी गर्ने २४ फर्ममाथि मुद्दा (सूचीसहित)

टीपी भुसाल

फागुन २१, काठमाडौं । राजस्व अनुसन्धान विभागले मजदुरको नाममा कम्पनी खोलेर करोडौं राजस्व ठगी गर्ने २४ ओटा फर्मका सञ्चालक विरुद्ध काठमाडौं जिल्ला अदालतमा मुद्दा दर्ता गरेको छ । विभागले कर छलि गर्ने मुख्य व्यक्ति जयकिशोर साह र परमेश्वर साहलाई पक्राउ गरी अनुसन्धान सम्पन्न गरी उनीहरुसहित २४ ओटा फर्मका सञ्चालक समेतलाई १ अर्ब ७५ करोड रुपैयाँ बिगो कायम गरी मुद्दा दायर गरेको हो ।

ती कम्पनीहरुले मजदूर र निम्न आय स्रोत भएका व्यक्तिको नाममा फर्म दर्ता, भ्याट दर्ता गरी नक्कली बिलमार्फत करोडौंको कारोबार गर्ने गरेको अनुसन्धानका क्रममा देखिएको विभागले पत्रकार सम्मेलन गरी जानकारी दिएको छ । साथै उनीहरुले बैंकमा कर्मचारीको नाममा खाता खोल्ने र सञ्चालन गर्ने पनि गरेकोे विभागका महानिर्देशक दीर्घराज मैनालीले जानकारी दिए ।

उनीहरुले नक्कली भ्याट बिल छपाई गरी कारोबार गर्ने, जसले बिजक जारी गर्छ उसैबाट थोरै कमिसन लिएर बिल फिर्ता गर्ने, बिल छपाई गरी विक्री गर्ने गरेको भेटिएको महानिर्देशक मैनालीले बताए । मुद्दा दर्ता गरिएका व्यक्ति जयकिशोर साह र परमेश्वर साहले मात्र २० ओटा कम्पनी सञ्चालन गरेका अनुसन्धानबाट खुल्न आएको छ । यस्तै विभागले विदेशी विनिमय अपचलन तथा हुण्डी कारोबारी गोविन्द सुब्बा र इन्द्रनारायण लिम्बुमाथि मुद्दा दायर गरेको छ । उनीहरुमाथि ३ करोड ६६ लाख बिगो कायम गरी काठमाडौं जिल्ला अदालतमा मुद्दा दायर गरिएको विभागले जानकारी दिएको छ ।

रिलायन्स सब रेमिट प्रालिका सञ्चालक सुब्बाले इन्द्रनारायण लिम्बु समेतको साझेदारीमा रिलायन्स सब रेमिट प्रालि दर्ता गरी उक्त फर्ममार्फत मलेशियाबाट नेपाल पठाउने र ल्याउने रकम नेपाल नल्याई नेपालमै एक ठाउँबाट अर्को ठाउँ पठाएको कारोबार देखाई विदेशी विनिमय अपचलन गरेको विभागले पत्रकार सम्मेलनमा जानकारी दिएको छ ।

राजस्व ठगी गर्ने कम्पनीहरुको विवरणः–

प्रतिक्रिया [0]

पुरा नाम: *

इमेल: *

प्रतिकृया: *
पठाउनुहोस